Македонски
Суд во Босна и Херцеговина го осуди Бојан Цвијетиќ, поранешен советник на министерот за државна безбедност на една година затвор откако го прогласи за виновен за учество во трговија со дрога.
Петнаесетмина од сообвинетите на Цвијетиќ беа осудени без правосилна пресуда, додека двајца други беа ослободени. Како членови на организирана криминална група, тие добија вкупно 27,5 години затвор, а пресудата им изрече и парични казни во вкупен износ од 455 илјади евра и конфискација на нелегално стекнат профит.
Цвијетиќ, беше советник во Министерството за безбедност на Босна и Херцеговина за време на мандатот на Драган Мектиќ, и уапсен и обвинет затоа што беше член на организирана криминална група која се занимаваше со продажба на наркотици и цигари.
Тие беа откриени кога, врз основа на меѓународна полициска соработка, дешифрирани пораки испратени преку заштитените апликации „Скај“ и „Аном“ беа користени со години од криминални мрежи низ целиот свет. Информации за оваа криминална група му беа доставени на Обвинителството на БиХ од страна на Европол и американското ФБИ.
Истрагата што следеше откри низа кривични дела извршени помеѓу 2019 и 2021 година. Откриено е како членовите на групата организирале меѓународен шверц на хероин и најмалку 35 килограми кокаин, првенствено од Холандија и Белгија до Босна и Херцеговина, од каде што бил дистрибуиран во соседните земји, вклучувајќи ги Унгарија и Словенија.
Тие, исто така, шверцувале повеќе од три тони марихуана од Албанија во Босна и Херцеговина и ја организирале дистрибуцијата на таа дрога низ целиот регион, а шверцувале и големи количини цигари.
Истрагата утврдила дека Цијетиќ и другите нелегално стекнале повеќе од 4,4 милиони конвертибилни марки, или повеќе од два милиони и 250 илјади евра, со шверц на дрога и цигари. Тие ги „переле“ овие пари преку три фиктивни компании купувајќи бројни недвижности и луксузни автомобили во Бања Лука, Источно Сараево, Лакташи и на други места.
