Македонски
Седумдесет и три годишен маж од Радовиш е лишен од слобода откога вчера при сечење топола на нива во атарот на селото Ораовица, Радовишко, гранка од паднатото дрво смртно погодила 77-годишен сограѓанин.
Како што информираат од МВР, вчера, во 12.30 часот, полициски службеници од СВР Струмица – ОВР Радовиш го лишиле од слобода Т. Б. (73) од Радовиш.
Според пријавеното, тој околу 10.30 часот на нива во атарот на селото Ораовица со моторна пила сечел топола, а кога таа паднала, гранка од неа го погодила Н. Т. (77) од Радовиш, кој заедно со Т. Б. отишол на нивата.
Од добиените повреди Н. Т. починал на местото на настанот, а смрт констатирал лекар од Итната медицинска помош – Радовиш.
По наредба на јавен обвинител, телото на починатиот било дадено на обдукција, а увид на местото извршила екипа од СВР Струмица – ОВР Радовиш.
