Охридскиот аеродром добива нов изглед: Денеска се пушта во употреба реконструираниот дел

Во Охрид денеска ќе биде пуштен во употреба реконструираниот дел на Охридскиот аеродром.

На свеченото отворање ќе присуствуваат извршниот директор на ТАВ Аеродроми, Серкан Каптан, премиерот Христијан Мицкоски и вицепремиерот и министер за транспорт Александар Николоски.

Со реконструкцијата е извршено проширување на патничкиот терминал за 30 до 40 проценти, како и зголемување на капацитетот на шалтерите за патници и багаж за 100 квадратни метри.

Дополнително, проширена е зоната за безбедносна контрола на патници и багаж, а административната зграда е проширена од 290 на 700 квадратни метри.

Во рамки на реконструкцијата се предвидени и нов ресторан-кафетерија за вработените, нови канцеларии за Граничната полиција и Царинската управа, како и паркинг простор за вработените.