72-годишник на четирицикл доживеа несреќа кај Охрид

Постар маж е тешко повреден по несреќа со четирицикл кој го управувал на земјен пат.

Како што соопшти МВР, вчера во 16:05 часот, во СВР Охрид е пријавено дека М.Л.Ц.(72) од Полска, управувајќи четирицикл на земјен некатегоризиран пат во близина на охридското село Куратица, изгубил контрола и паднал.

Тој, со возило на Итната медицинска помош бил пренесен во Општата болница во Охрид, каде му биле констатирани тешки телесни повреди.