Македонски
Центарот за развој на Југоисточниот плански регион ги известува граѓаните дека на 27 и 31 август ќе се спроведат активности за контрола на популацијата на комарци во пет општини и тоа преку ларвицидна и адултицидна дезинсекција, соопштија од Центарот.
Утре ќе се прска во Бпосилово, Ново Село и Струмица, а на 31 август во Василево и Валандово.
Активностите се спроведуваат со цел намалување на популацијата на комарци и преземање превентивни мерки за заштита на јавното здравје, се наведува во соопштението од Центарот за развој на Југоисточниот плански регион.
Се додава дека доколку временските услови не дозволуваат реализација на активностите во предвидениот термини, третманите ќе бидат презакажани за првиот нареден поволен период.
