Македонски
Времето денес беше сончево и топло со мала до умерена облачност. Попладне се очекува локална појава на нестабилност со пороен дожд, грмежи и засилен ветер низ државата, а ќе дува слаб до умерен ветер од северен правец. Во 17 часот најниска температура беше измерена на Попова Шапка, 16.6 степени, а највисока 37.6 степени во Гевгелија.
Во Скопје исто така има услови за попладневна нестабилност со пороен дожд и грмежи.
Утре се очекува сончево и топло време со мала до умерена локална облачност. Попладне во планинските региони ќе има зголемена облачност со услови за краткотраен дожд и ретки грмежи. Ветерот ќе дува од северозападен правец со слаба до умерена јачина. Во Скопје времето ќе биде сончево и топло со мала до умерена облачност.
Од четврток започнува период на претежно стабилно и многу топло време. Минималните температури ќе се движат од 12°C до 21°C, додека максималните ќе достигнат од 33°C до 39°C. Ќе дува слаб до умерен ветер од југоисточен правец.
Петокот, 21 август, носи дополнителен пораст на температурите, кои ќе се движат во опсег од 13°C до 22°C за минималната, односно од 34°C до 40°C за максималната дневна температура.
Во сабота, 22 август, минималната температура ќе биде од 14°C до 23°C, а максималната ќе се искачи од 35°C до дури 41°C. Наместа ќе има услови за нестабилност проследена со засилен ветер, пороен дожд и грмежи. Во деновите од викендот дневната температура во повеќе региони во државата се очекува да ја надмине границата од 40 степени.
