Иранската армија ги предупреди САД да не влегуваат во Ормуската Теснина

Обединетата команда на вооружените сили на Иран упати предупредување до Морнарицата на САД да не влегува во Ормуската Теснина, во соопштение објавено од државните медиуми во земјата.

Предупредувањето доаѓа како реакција на операцијата најавена од САД за ослободување на бродовите кои се блокирани во теснецот.

-Повеќепати изјавувавме дека безбедноста на Ормуската Теснина е во наши раце и дека безбедното поминување на пловилата мора да биде координирано со вооружените сили на Иран, се вели во иранското соопштение.(МИА)