17-годишно момче загина во сообраќајна несреќа – со скутер удрил во бетонски столб

Седумнаесетгодишно момче од неготинското село Тимјаник загина во сообраќајна несреќа што се случила ноќеска, информираат од Министерството за внатрешни работи.

– Денеска во ОВР Неготино е пријавено дека во 00:50 часот, во село Тимјаник, неготинско, скутер „лонгија“ со неготински регистарски ознаки, управуван од 17-годишник од село Тимјаник, удрил во бетонски столб. Од здобиените повреди, на местото на настанот починал возачот, а смрт констатирал лекар од Итна медицинска помош Неготино. Увид извршиле јавен обвинител и увидна екипа од ОВР Неготино, соопштија од СВР Велес.

По наредба на јавен обвинител, телото на починатиот било дадено на обдукција