Македонски
Ви откриваме рецепт за заборавениот турски десерт – пелте
Состојки: (мерката е чаша од 200 мл)
2,5 чаша ладна вода
1 чаша џем од јаболка (ако не сакате да е толку слатко, може да употребите пола чаша)
пола чаша брашно
За преливот:
50 г путер
околу 1 чаша крупно мелени ореви
Приготвување:
Во тенџере сипете вода, па додајте чаша џем и брашно. Сето тоа добро измешајте го за да се разбијат грутките. Префрлете го тенџерето на оган и внимателно мешајте до точка на вриење, па мешајте уште 2-3 минути додека се зготви.
Префрлете ја смесата во тепсија и оставете да се олади. Одозгора додајте стопен путер и сечкани ореви.
Совет:
Откако ќе додадете брашно, добро промешајте за да добиете хомогена смеса, а потоа ставете ја на шпорет. (Нема да се создадат грутки)
Најдобро е да го послужите десертот ладен или млак.
