Македонски
Едноставни, крцкави и миризливи сусамки – старомодни домашни колачиња кои се топат во уста. Со нежно тесто, белка и богат слој сусам, совршени се за со кафе или чај.
Состојки:
- 125 г маргарин или путер
- 4 јајца
- 8 лажици шеќер
- 4 лажици млеко
- 500 г брашно
- 1 прашок за печиво
- лажица цимет
- 100 г сусам
За премачкување:
- Белките од 4 јајца
Подготовка: Одделете ги белките од жолчките. Жолчките изматете ги со маргаринот или путерот и шеќерот. Додајте го млекото и прашокот за печиво, а потоа постепено додавајте го брашното измешано со циметот и замесете меко тесто. Од тестото формирајте мали топчиња, па секое топче малку сплескајте го со дланките за да добиете тркалезна форма.
Секоја сусамка потопете ја во лесно изматена белка, а потоа убаво извалкајте ја во сусам. Наредете ги во плех обложен со хартија за печење. Печете во загреана рерна на 220°C околу 15–20 минути. Внимавајте да не се препечат – готови се кога од долната страна ќе добијат нежна кафеава боја. Оставете ги да се изладат пред послужување.
