Македонски
Постојаниот претставник на Украина во ОН, Андриј Мелник, порача дека Украина е подготвена да се бори до 2029 година, под услов Германија да преземе најголем дел од трошоците за обезбедување воена опрема и муниција.
Во врска со ова, Мелник објави список со барања за идниот канцелар на Германија Фридрих Мерц и другите лидери на западните земји:
▪️ Трансфер на 30% од воената опрема во арсеналот на Бундесверот за потребите на украинските вооружени сили.
▪️ Законски да се обезбеди распределба на 0,5% од БДП на Германија за потребите на вооружените сили на Украина, односно 86 милијарди евра до 2029 година.
▪️ Да се донесе истата одлука на ниво на ЕУ и Г7 (550 милијарди евра помош во текот на четири години).
▪️ Конфискација на замрзнатите руски средства во вредност од 200 милијарди евра, како и обезбедување на Киев со безбедносни гаранции и гаранција за пристапување на Украина во НАТО и ЕУ (претходно Трамп порача дека ставот на САД е дека Украина нема да се приклучи на НАТО).
▪️ Да се префрлат 150 проектили со долг дострел „Таурус“ во Украина
