Прицкер: Администрацијата на Трамп сака да распореди војници во Илиноис

Freepik

Гувернерот на Илиноис, Џеј Би Прицкер, изјави дека администрацијата на американскиот претседател Доналд Трамп побарала од Пентагон да испрати 100 војници во сојузната држава.

– Националната гарда на Илиноис добила меморандум од Министерството за внатрешна безбедност, во кој е наведено барањето, наведе Прицкер.

Пентагон соопшти дека добил барање за помош за заштита на федералниот персонал, имотот и операциите во сојузната држава Илиноис.

– Сите одлуки ќе бидат донесени во согласност со утврдените процедури и ќе бидат објавени навремено, се посочува во соопштението на Пентагон.

Според Прицкер, построгите мерки за имиграција на администрацијата на Трамп во Чикаго овој месец се „изговор за распоредување воени сили“.