На германските мажи ќе им биде забрането да ја напуштат земјата без дозвола од армијата

МИА

Германија се подготвува за војна, а земјата ги заострува правилата за патување за мажите, објавија германските медиуми.

Од 1 јануари 2026 година, сите германски мажи на возраст меѓу 17 и 45 години ќе мора да добијат дозвола од Кариерниот центар на Бундесверот (германската армија) ако сакаат да ја напуштат Германија повеќе од три месеци – без разлика дали за еден семестар во странство, работа или подолго патување.

Оваа обврска станува трајна и повеќе не важи само во случај на геополитички тензии или одбранбена ситуација, т.е. во случај на специфична воена закана.

Промената стапу на сила во голема мера незабележано како дел од Законот за модернизација на воената служба, пишува „Франкфуртер Рундшау“.