Франција ја менува својата воена стратегија според искуства од војните во Украина и Блискиот Исток

Франција ја менува својата воена стратегија поради војната во Украина и Блискиот Исток, пишува „Политико“.

Според изданието, земјата веќе работи на проекти за развивање поевтини средства за борба против беспилотните летала, како што се дроновите „Шахид“ и размислува за употреба на беспилотни летала-пресретнувачи наместо скапи ракети.

Дополнително, Франција подготвува ажуриран закон за воено планирање, кој предвидува зголемување на залихите на муниција и проширување на производствените линии.

Земјата ја разгледува и опцијата за развој на систем на беспилотни летала со вештачка интелигенција, кои би летале заедно со борбените авиони и би помогнале во откривањето на закани.