Десет лица загинаа во шумски пожар во западна Турција

Freepik

Десет лица – пет пожарникари и пет шумарски работници, загинаа при гаснење на голем шумски пожар во регионот Ескишехир во западна Турција, соопштија локалните власти.

Девет големи пожари избувнаа во Турција во последните 24 часа, а пожарникарите и другите спасувачки служби се борат со сите расположиви средства, изјави вчера министерот за земјоделство и шумарство Ибрахим Џумакли за новинарите во Анкара.

Тој додаде дека 24 лица се „заглавени во пожарот“ во вчерашниот пожар, а дека пожарот од Ескишехир се проширил во соседната покраина Афјонкарахисар.

Четиринаесет спасувачи во моментов се на лекување во неколку болници, а пет шумари и пет други спасувачи ги загубија животите, додаде Џумакли.

Турскиот претседател Реџеп Тајип Ердоган, исто така, изрази сочувство до семејствата на жртвите.