Од утре веќе немa да се прима кеш во јавниот превоз во општина Кавадарци

Од утре во автобусите од јавниот превоз во општина Кавадарци ќе се патува без плаќање во готовина.

Од Јавното претпријатие „Градски превоз – Кавадарци“ информираат дека плаќање на билет во автобусите за градски и приградски превоз ќе се врши исклучиво со КА карта – персонализирана картичка со надополнување на кредит и со платежна картичка.

До 31 декември оваа година, при секое купување на КА карта со минимален кредит од 300 денари, првото возење е бесплатно – споделија од јавното претпријатие.

Претходно, кавадаречкиот градоначалник Митко Јанчев изјави за медиумите дека се зголемува користењето на јавниот превоз во општината.