Македонски
Во Њујорк продолжува Генералната дебата на 81-та сесија на Генералното собрание на Обединетите нации, која е предвидено да трае до 28 септември.
Во рамки на дебатата се обраќаат државни и владини лидери од земјите членки на ОН, со осврти на актуелните глобални предизвици, меѓународната безбедност, економските прашања и меѓународната соработка.
Меѓу најавените говорници е и премиерот на Македонија, Христијан Мицкоски, кој ќе ја претстави позицијата на земјата во рамки на генералната дебата.
На листата на говорници е најавен и албанскиот премиер Еди Рама.
Генералната дебата на Генералното собрание на ОН традиционално претставува една од најважните дипломатски средби во годината, на која лидерите ги изложуваат приоритетите на своите земји и ставовите за прашања од меѓународно значење.
Овогодишната сесија продолжува во услови на повеќе глобални предизвици, вклучително и вооружени конфликти, геополитички тензии, климатски промени и прашања поврзани со економската и безбедносната стабилност.
