Македонски
Претседателот на СДСМ, Венко Филипче денеска го повтори својот став за распишување на предвремени парламентарни избори во земјата и како што рече нема да му бидат алиби на премиерот Христијан Мицкоски за распишување на избори.
– Ние кажавме и ќе го повторам ставот, нема да му бидеме алиби на Христијан за избори, има двотретинско мнозинство, нека си распиши избори. Ние чекаме да испорача тој, да испорача подобар стандард, подобар живот, така ветуваше. Подобри услови во училиштата, во болниците, за земјоделците, за пензионерите подобар живот, за работниците, ништо од тоа нема Подобри преговарачки позиции, ништо нема, борба против корупција, криминал, ништо нема – вели Филипче.
