Претставата „Лекција“ на вториот ден на Фестивалот „Видик“

Арс Ламина

Во рамките на второто издание на фестивалот за литература и општа култура „Видик“, вечерва со почеток во 20:00 часот во „Литература.мк“ во „Дајмонд мол“, ќе имате можност да ја проследите театарската претстава „Лекција“.

„Лекција“ на познатиот автор Ежен Јонеско е апсурдна драма во еден чин раскажана низ комични и драмски ситуации. Апсурдниот заплет на драмата се случува помеѓу искомлексираниот, но вешт професор, кој го користи своето знаење да доминира врз една ученичка која е желна за знаење. Во драмата се појавува и слугинката која е пандан на она што би требало да сигнализира опасност, но опасност која не може и не треба да биде спречена.

„Лекција“ го критикува тоталитаризмот во образованието, политиката, јазикот, психологијата и сексуалноста. Низ пародија, иронија и теми на контрадикторност, повторување и вртење во круг, разбираме дека сè околу нас е бесмислено.

Играат: Јовче Пандев, Калина Велковска, Маја Ѓурчевска

Присуството е со влезници и со резервации на 070 391 100. Влезниците се достапни на www.literatura.mk. Со секоја влезница следува подарок.