Македонски
Музејот на современа уметност (МСУ) Скопје од Министертвото за култура и туризам за реализацијата на програмата за 2025 година доби 5.842.370 денари. Програмата вклучува 26 проекти од национален интерес. Од нив 11 проекти се од музејска дејност и заштита на нематеријално културно наследство, 12 проекти од областа на визуелна уметност и архитектура, еден проект од областа на меѓународна дејност – вмрежување со сродни институции, еден проект од областа на литературата и издавачка дејност и еден проект од областа на инвестицијско одржување и адаптација.
Програмата пред новинарите денеска ја претстави директорот на МСУ Тихомир Топузовски.
Како што објасни Топузовски од 12-те поддржани проекти од областа на визуелна уметност и архитектура, шест се проекти од современи проектни продукции – од кои три самостојни изложби на авторите Ибрахим Махама, Џем А., Оливер Мусовиќ, три групни меѓународни изложби „Се што ни е заедничко“, „Земјата која се промислува постојано“ – креативен геофилозофски патопис и реципроцитетната изложба – „Ткаење светови: Колекции во разговор“.
Остантите програми вклучуваат изложба на Архитектонското творештво на Живко Поповски, потоа истражувачки проект посветен на 40 годишно творештво на Благоја Маневски.
Проектите, кои порано биле поддржани и оваа година имаат поддршка, а тоа се однесува на Интердисциплинарната програма, Биеналето на млади и МСУ Кино – Филмска програма. Исто така, поддржна е и патувачката изложба на избор од Француската колекција на МСУ Скопје.
Од музејската дејност и заштита на нематеријално културно наследство вклучени е еден проект од истражувачки вид – Истражувачки проект за творештвото на Јордан и Искра Грабулоски, и конзервација и реставрација на дела од колекцијата на МСУ од истоимените автори.
Топузовски кажа дека се подржани и проектите кои се поврзани со водење на публиката и претставување на музејските активности – Музејски водич, Тура на инклузивноста и Современа уметност за сите.
Со овие тури, како што се Музејски водич, Тура на инклузивноста и Современа уметност за сите се зголемува и посетеноста на МСУ, вели Топузовски.
