Македонски
Во изминатите 11 месеци од оваа календарска година, на подрачјето под надлежност на дебарското одделение за внатрешни работи, регистрирани се 44 сообраќајни незгоди, што е речиси на истото ниво споредено со истиот период минатата година, кога имало две незгоди помалку.
На подрачјето на општините Дебар и Центар Жупа во споменатиот извештаен период, во сообраќајните незгоди животот го загубило едно лице додека 33 се здобиле со потешки и полесни повреди, што е идентична бројка со истиот период минатата година. Против 190 лица поднесени се прекршочни пријави, што е двојно помала бројка споредено со минатата година, вели за МИА, Стефан Димоски портпарол на секторот за внатрешни работи-Охрид.
Во овој период издадени се 1575 платни налози по Законот за безбедност во патниот сообраќај, што е за 134 прекрошоци повеќе, како и 191 платни налози по законот за возила, што е за пет повеќе од лани.
Една од причините за несреќите и прекршоците е непочитување на сообраќајните правила и прописи, а останатите се неприлагодување на брзината на движење, управување возило под дејство на алкохол, како и користење мобилен телефон.
Поради згорлемената фреквенција на возила, условено од присиството на иселениците, но и жители од други градови, Димоски упати апел до учесниците во сообраќајот, да бидат внимателни да ги почитуваат сообраќајните правила и прописи.
