Приведен Германец кој со дрон ја снимал караулата на Армијата во Радожда

Германски државјанин со дрон неовластено ја снимал караулата на Армијата во струшкото село Радожда, полицијата го привела, соопшти денеска СВР Охрид.

На 05.08.2026 во 14:30 часот во струшкото село Радоджа, од слобода е лишен А.С.(56) од Германија поради сомнение дека сторил кривично дело „неовластено влегување во воени објекти и правење скици или цртежи на воени објекти и борбени средства“, согласно член 350 од Кривичниот законик. Тој бил затекнат како со дрон ја снима караулата во селото Радожда, сопственост на АРСМ, место што е во забранета зона за снимање. Се преземаат мерки за целосно расчистување на настанот, по што ќе следува соодветна пријава.