Две скопјанки тешко повредени од изгореници за време на семејна прослава

Две жени на возраст од 35 и 24 години се здобиле со тешки телесни повреди од изгореници за време на семејна прослава во куќа во Скопје.

Според информациите од Министерството за внатрешни работи, случајот бил пријавен денеска (15 ноември), во 00:30 часот, во СВР Скопје, од Ургентниот центар при Комплексот клиники „Мајка Тереза“.

Во болницата со тешки телесни повреди од изгореници биле донесени Н.К. (35) и А.А. (24), двете од Скопје.

Според пријавеното, жените се здобиле со повредите за време на семејна прослава во куќа во сопственост на М.К., мајка на 35-годишната Н.К.

Засега не се соопштени дополнителни детали за околностите под кои настанале изгорениците.

Од МВР информираат дека увид извршила екипа на СВР Скопје и дека се преземаат мерки за расчистување на случајот.