Средба Мицкоски – Вучиќ во Њујорк: Соработката и добрососедските односи се клуч за стабилност и развој на регионот

Фото: Фејсбук/Христијан Мицкоски

Премиерот Христијан Мицкоски оствари средба со српскиот претседател Александар Вучиќ во рамките на неговата работна посета на САД.

Остварив средба со претседателот на Република Србија, Александар Вучиќ. На средбата разговаравме за актуелните состојби во регионот, значењето на добрососедските односи, унапредувањето на соработката и заедничките интереси кои придонесуваат за стабилност, развој и просперитет на нашите народи, објави премиерот Мицкоски на Фејсбук.

Продолжуваме со отворен дијалог и конструктивна соработка во насока на јакнење на регионалното поврзување и европската перспектива на Западен Балкан, додаде тој.