Фудбалерот на Барселона и полски репрезентативец Роберт Левандовски демантираше дека планира да го напушти каталонскиот клуб во летниот преоден рок.

Левандовски има договор со Барселона до 30 јуни 2026 година.

-Дали останувам? Се зборува за се, но мене не ме интересираат тие шпекулации. Фокусиран сум само на Барселона и следната сезона. Тоа е единственото нешто на што размислувам, изјави Левандовски.

Барселона оваа сезона нема освоено ниту еден трофеј.

-Знаеме дека можевме и моравме подобро оваа сезона, но сигурен сум дека следната сезона ќе бидеме многу подобри. Тоа е ново поглавје за нас и се што се случи оваа сезона е зад нас. Нашата цел е да се фокусираме на следната сезона, порача Полјакот.

Тој истакна дека ќе го гледа финалето од Лигата на шампионите меѓу Реал и Борусија Дортмунд на 1 јуни.

-Секако дека ќе навивам за Борусија, тоа е клубот за кој играв. Знам дека Реал е секогаш фаворит, но во фудбалот се е можно. Навивам за Дортмунд и се надевам дека ќе ја освојат Лигата на шампионите, заклучи Левандовски.

The post Левандовски останува на „Ноу Камп“ appeared first on Република.

Роберт Левандовски може да ја напушти Барселона по завршување на оваа сезона. Медиумите во Шпанија со недели тврдат дека лошата финансиска состојба ќе ја принуди управата на каталонскиот клуб да продадат барем еден од своите стартери за да можат да работат послободно за време на преодниот рок.

Последните денови се почесто се споменува името на полскиот напаѓач како еден од оние кои размислуваат дали да бараат или не опции за разделба.

Претходно, Барселона реши еден од своите проблеми, а тоа е тренерската позиција во клубот, откако беше објавено дека Чави ќе остане уште една сезона.

Платата на Левандовски изнесува 32 милиони евра пред оданочување.

Според актуелниот договор, 35-годишниот Полјак треба да одработи уште една сезона во шпанскиот фудбалски гигант.

The post Левандовски и е многу скап на Барселона appeared first on Република.

Напаѓачот на Барселона и полски репрезентативец Роберт Левандовски изјави оти е уверен дека наградата „Златна топка“ за најдобар фудбалер во светот идната година ќе му биде доделена на фудбалерот на ПСЖ Лионел Меси.

Меси со репрезентацијата на Аргентина триумфираше на Светското првенство во Катар и го освои единствениот голем трофеј што му недостасуваше во кариерата.

„Мене веќе ми е јасно кој ќе го добие најголемото индивидуално признание. Точно е дека постои уште еден играч од истиот клуб, како конкурент за наградата, но само еден од нив го освои Мундијалот, а тоа е Лео Меси. Тоа ќе биде решавачки фактор, а Меси го постигна тоа што му е најважно и сега може да ужива во тоа“, изјави Левандовски.

„Златната топка“ за минатата сезона ја освои напаѓачот на Реал Мадрид, Французинот Карим Бензема, кој поради повреда го пропушти Мундијалот во Катар

The post Левандовски: Меси ќе ја освои „Златната топка“ appeared first on Република.

Капитенот на полската фудбалска репрезентација Роберт Левандовски на претстојното Светско првенство во Катар на раката ќе носи капитенска лента во националните бои на Украина, која му ја подари прославениот украински фудбалер и поранешен селектор Андриј Шевченко.

Левандовски и Шевченко остварија средба на Националниот стадион во Варшава каде поранешниот напаѓач на киевски Динамо, Милан и Челзи му ја предаде жолто – сината капитенска лента на голгетерот на Барселона.

-Ќе ги носам украинските бои на Светското првенство во Катар. Ќе ја носам лентата од Шевченко како потсетник дека украинскиот народ не е осамен и дека со нив сме во мислите, изјави Левандовски при средбата со Шевченко

The post Левандовски во Катар ќе носи капитенска лента во боите на украинското знаме appeared first on Република.

Спортскиот директор на Баерн Минхен, Хасан Салихамиџќ, изјави оти очекува навивачите на германскиот првак да не го исвиркуваат напаѓачот на Барселона, Роберт Левандовски, кога полскиот напаѓач ќе се врати во Минхен утрешниот дуел меѓу двата клуба во рамки на второто коло во Лигата на шампиони.

Левандовски во летниот преоден рок направи трансфер од Баерн во Барселона, откако за клубот од Минхен одигра 375 натпревари на кои постигна 344 голови.

-Како ќе биде дочекан Левандовски? Роберт со нас освои сè што можеше да освои. Навивачите тоа го ценат. Јас не би го исвиркувал, рече Салихамиџиќ.

Полскиот напаѓач сезонава во дресот на Барселона постигна девет голови на шест натпревари

The post Директорот на Баерн бара на Алијанц да не се исвиркува Левандовски appeared first on Република.

Роберт Левандовски не сака Барселона да игра против Баерн во групната фаза од Лигата на шампионите.

На прашањето од германските новинари дали сака да се соочи со својот поранешен клуб во груата од елитното фудбалско натпреварување, Левандовски одговори:

– Не! Ова не треба да се случува во групната фаза. Сè уште е рано. За мене тоа би било чудно чувство. Ве молам, само не со Баерн.

Полскиот фудбалер не очекува проблеми кај навивачите на бундеслигашот при евентуално негово гостување на „Алијанц Арена“.

– Се надевам на добар прием од навивачите на Баерн. Имам само позитивни спомени од времето поминато во тој клуб. Приказната што ја имавме со Баерн ќе остане засекогаш во моето срце, потенцира напаѓачот на Барселона во интервју за „Sport Bild“.

Да потсетиме дека на ждрепката за групите во Лигата на шампионите, Баерн ќе биде во првиот, а Барселона во вториот шешир

The post Левандовски не сака да игра против Баерн во ЛШ appeared first on Република.

Напаѓачот на Барселона, Роберт Левандовски е прогласен за најдобар играч на синоќешниот дуел за купот на „Жоан Гампер“ против мексиканскиот Пумас.

Каталонците победија со 6:0, а 33-годишниот Полјак постигна гол и две асистенции.

Барселона за трансферот на Левандовски од Баерн Минхен плати 45 милиони евра. Исто така, како бонуси може да се исплатат уште пет милиони евра.

Трофејот „Жоан Гампер“ првпат се додели во 1966 година на иницијатива на тогашниот претседател на Барселона, Енрике Лоде. Трофејот го доби името по легендарниот основач на Барселона, Жоан Гампер

The post На Левандовски му тргна во Барса appeared first on Република.

Шпанскиот весник „Ел Паис“ објави денеска дека Барселона за двете свои летни големи засилувања, Роберт Левандовски и Рафиња, потрошила речиси 300 милиони евра.

Весникот наведува дека Барселона за Левандовски му платила на Баерн Минхен 60 милиони евра, а полскиот голгетер, наводно, ќе има значително поголема годишна плата отколку што е официјално објавено.

„Ел Паис“ тврди дека каталонскиот клуб за два дена за обесштетување за двајцата фудбалери, бонуси и провизии за менаџерите потрошила 297 милиони евра, што е невообичаено за клуб кој беше на работ на банкрот.

Претседателот на Барселона, Жоан Лапорта, кој со екипата се наоѓа на подготовки во Мајами, изјави оти е задоволен од засилувањата во досегашниот дел од летниот трансфер рок, додавајќи оти планира да донесе уште неколку засилувања во екипата, пренесоа американските медиуми

The post Барса немаше пари но ги доведе Левандовски и Рафиња appeared first on Република.

Барселона продолжува да работи на трансферот на Роберт Левандовски од Баерн Минхен.

Шпанските медиуми веќе излегоа со информација дека каталонскиот клуб подготвува нова понуда за напаѓач вредна 50 милиони евра и се надева дека оваа сума ќе го убеди Баерн да го продаде Полјакот.

Претходно се дозна дека Барселона понудила 32 милиони евра за Левандовски.

Да напоменеме дека рокот на договорот на Левандовски со Баерн е со важност до летото 2023 година.

Триесет и тригодишниот напаѓач минатата сезона постигна 46 гола на 50 настапи за Баерн во сите натпреварувања

The post Барселона не се откажува од Левандовски, нуди 50 милиони евра appeared first on Република.

Центарфорот на Реал Лука Јовиќ е свесен дека нема место во Мадрид и дека летото е вистинско време за промена на клубот.

Германија ја потресе веста дека Лука Јовиќ преговара со клубот од Минхен и е подготвен да се врати во Германија како замена за Левандовски.

Лука Јовиќ не се снајде на стадионот „Сантијаго Бернабеу“.Србинот постојано беше во втор план, никогаш не можеше да добие шанса во континуитет, бидејќи тренерите се потпираа на докажаниот и поискусниот Карим Бензема.

The post Лука Јовиќ го менува Левандовски во Баерн? appeared first on Република.

Фудбалерот на Баерн Минхен, Роберт Левандовски е незадоволен од главниот тренер на тимот, Јулијан Нагелсман.

Според новинарот на „Sport1.de“, Кери Хау, на 33-годишниот Полјак не му се допаѓаат тактиките и методите на работа на тренерот.

Во германските медиуми се почесто с епишува дека и челниците на тимот од Минхен постојано ја критикуваат тактиката што ја избира Нагелсман.

Воедно, играчите не се задоволни од тешките задачи на тренинзите кои ги задава 34-годишниот Германец.

По 29 кола во Бундеслигата, Баерн освои 69 бодови и се наоѓа на првото место во поредокот.

The post Левандовски е незадоволен од тренерот Нангелсман appeared first on Република.

Напаѓачот на Баерн Минхен, Роберт Левандовски се договори за соработка со Барселона. Послкиот фудбалер од следната сезона ќе игра за каталонскиот клуб. 33-годишниот Левандовски ги договорил условите за трансфер, објави „TVP Sport“.

Одлуката да не го продолжи договорот со Баерн, Левандовски веќе ја соопштил на раководството на клубот од Минхен. Актуелниот договор е до летото 2023 година.

Претходно имаше информации дека Баерн бара 65 милиони евра за напаѓачот, но со вклучување на други играчи во трансферот, сумата може да се намали.

Во сезоната 2021/22, Левандовски постигна 46 гола на 40 натпревари за баварскиот фудбалски гигант.

The post Левандовски три години во Барселона? appeared first on Република.

Фудбалерот на Баерн Минхен, Роберт Левандовски има можност да ја продолжи кариерата во Атлетико Мадрид.

Според угледнот шпански дневен спортски весник „Марка“, трансферот би можел да се реализира доколку Баерн го ангажира играчот од средниот ред на мадриѓаните, Жоао Феликс.

Претходно беше објавено дека португалскиот фудбалер сака да го напушти Атлетико Мадрид, а на такво нешто не се противи ниту тренерот Диего Симеоне.

Дваесет и двегодишниот Феликс оваа сезона во Ла Лига постигна три гола на 18 натпревари. На сметка на 33-годишниот Левандовски се 28 гола на 24 натпревари во Бундеслигата.

The post Баерн Минхен и Атлетико Мадрид заинтересирани за размена на Левандовски и Жоао Феликс appeared first on Република.

Напаѓачот на Баерн и Полска, Роберт Левандовски, освен на фудбалските терени, очигледно има генијални потези и во куќата.

Полјакот често објавува интересни видеа од приватниот живот, а едно од нив брзо стана вирален хит.

"When mum isn't home" 😅

Robert Lewandowski's genius way of doing his daughter's hair 👏 pic.twitter.com/MYTVLjh7bC

— ESPN FC (@ESPNFC) January 18, 2022

Роберт го искористи отсуството на сопругата Ана и на свој начин и направи фризура на четиригодишната ќерка Клара. За тоа ja користeше правосмукалка, и ја спреми косата за врзување, а потоа со гумичка и направи фризура.

Роберт и Ана се во брак од 2013 година и ги имаат ќерките Клара и Лаура.

The post Левандовски прави фризура на ќерката со правосмукалка appeared first on Република.

Роберт Левандовски е прогласен за најдобар фудбалер на 2021 година во изборот на ФИФА.

– Горд сум и среќен. Сакам да им се заблагодарам на соиграчите. Оваа награда е за сите околу мене. Се што се случи минатата година, дека ќе го соборам бундеслигашкиот рекорд по постигнати голови, не се осмелив да сонувам. Да ми кажеше некој за ова пред неколку години, немаше да верувам, изјави Левандовски.

Триесет и тригодишниот Полјак ја освои наградата за најдобар во конкуренција на Лионел Меси (ПСЖ) и Мохамед Салах (Ливерпул).

На продолжениот список се најдоа и Карим Бензема (Реал Мадрид), Кевин де Бруин (Манчестер Сити), Кристијано Роналдо (Манчестер Јунајтед), Ерлинг Халанд (Борусија Дортмунд), Жоржињо, Нголо Канте (двајцата – Челзи), Килијан Мбапе и Нејмар (двајцата ПСЖ).

The post Според ФИФА Левандовски е најдобар светски фудбалер за 2021 година appeared first on Република.

Третпат во кариерата напаѓачот на бундеслигашот Баерн Минхен, Роберт Левандовски, е избран за спортист на годината во Полска, во 87. избор на спортскиот весник „Przeglad Sportowy“ и телевизиската станица „Polsat TV“.

Полскиот фудбалски репрезентативец ја освои наградата пред трикратната олимписка победничка и светска рекордерка во фрлање кладиво Анита Влодарчук и светскиот вицешампион во спидвеј Бартош Змарцлик.

Наградата полски спортист на годината Левандовски ја освои и во 2015 и 2020 година

The post Левандовски најдобар во Полска appeared first on Република.