Вчера вечер, во 23.00 часот во СВР Скопје, 31-годишната Ц.С. од Скопје пријавила дека околу 21.30 часот во парк на подрачјето на Кисела Вода била физички нападната од Б.А., извести МВР.

По целосно документирање на случајот ќе следува соодветен поднесок.

The post Претепана жена во парк во Кисела Вода appeared first on Република.

Бидете дел од првото фестивалско искуство кое ќе се одржи во Градски Парк од 12-16 јуни 2024 година.

Одлична атмосфера за дружење, во комбинација со најдобрата street храна, пијалоци и активности за сите возрасти. Ве очекуваме во Beer Yard, Food Yard, Cocktail Yard и Vine Yard! 5 дена исполнети со многу убава енергија!

Во музичкиот дел на првиот фестивалски ден на Skopyard фестивал 2024 ќе настапат:

• DJ Konstantin Vlaho
• South Park
• Golden Tina – Tina Turner Tribute

Влезот е бесплатен.

Добредојдени се и вашите шепасти миленици.

The post Прво издание на Skopyard фестивал appeared first on Република.

Во пресрет на големиот христијански празник Велигден, со интонирање на македонската химна и подигнување на македонското знаме, вчера во Аеродром официјално беше пуштен во употреба новиот парк лоциран на булеварот „Февруарски поход“.

„За горда Македонија и поубав Аеродром“, напиша Муцунски на својот инстаграм профил и најави дека новиот парк ќе биде вистинска гордост на граѓаните на Аеродром.

Работните активности опфатија целосно хортикултурно и партерно уредување, поставување на нова урбана опрема, како и јарбол со македонското знаме.

 

View this post on Instagram

 

A post shared by Timcho Mucunski (@mucunski)

The post „За горда Македонија и поубав Аеродром“ – Муцунски со македонска химна го означи отворањето на новиот парк во Аеродром appeared first on Република.

По спроведена истражна постапка, јавен обвинител од Основното јавно обвинителство Скопје поднесе Обвинителен акт против двајца 22-годишни скопјани за кривично дело – Полов напад и силување од член 186 став 1, како и Противправно лишување од слобода според член 140 став 5 во врска со став 1 и во врска со член 22 од Кривичниот законик.

На 2 декември, обвинетите на свиреп начин му ја одзеле и ограничиле слободата на движење на едно лице кое наводно им должело 150 евра, така што против негова волја го однеле во Парк шумата Гази Баба, го соблекле и му ја запалиле облеката и личните работи, а потоа присилно извршиле и други полови дејствија кон него. Со обвинителниот акт, надлежниот јавен обвинител до Основниот кривичен суд Скопје достави и предлог за продолжување на претходно определената мерка притвор за двајцата обвинети, соопшти ОЈО.

The post Нова монструозност во Скопје: Го врзале и силувале зошто им должел 150 евра appeared first on Република.

Со официјална церемонија e отворена „Градината на светот“ во паркот остров „Свобода“ во Пазарџик. Како што објави БТА, ова е голем проект на општина Пазарџик, чие „прво ископ“ беше направен на денешен датум во 2022 година од градоначалникот на Пазарџик, Тодор Попов и познатиот бугарски фудбалер Христо Стоичков со порака за светски мир.

На свеченоста присуствуваа потпретседателката на Народното собрание, Росица Кирова, амбасадори, конзули, дипломати, народни претставници, истакнати бугарски спортисти меѓу кои Христо Стоичков, Тања Богомилова-Дангалакова и Ренета Камберова.

Во оваа градина сите земји можат да покажат дека тоа е место на убавина и хармонија. Тоа е нашата вистинска порака за мир. Затоа што мирот значи живот, кој мора да го почитуваме“, во своето обраќање порача градоначалникот на Пазарџик.

Тој им се заблагодари на сите кои ја поддржуваат идејата и реализацијата на проектот. Попов откри значајна порака на денешниот датум, бидејќи на денешен ден Христо Стоичков најпрво учествуваше на фудбалски натпревар со бугарската репрезентација, а во 1988 година Тања Богомилова освои олимписки медал во пливање на Олимпијадата во Сеул. Ова е прв и единствен медал во пливачки спортови за Бугарија, потсети Тодор Попов. Тој исто така истакна дека градината во моментов има површина од 112 декари и треба да се прошири за уште 70-80 хектари. Градоначалникот додаде дека е горд на пораката на „Градината на светот“ за мир.

Заменик-претседателката на Народното собрание, Росица Кирова, во својот говор истакна дека спортот е најдобар амбасадор на мирот, а преку вакви проекти на нашите деца им ја покажуваме поврзаноста со природата. Посакувам Пазарџик да ужива не само во цветањето на градината, туку и во неговото растење во наредната година, додаде Кирова. Таа изрази надеж дека паркот ќе привлече многу гости и туристи.

Пред церемонијата, молебен за здравје, благосостојба и мир упати знеполскиот епископ Арсениј, а сите присутни ги поздрави репрезентативната играорна група „Кудезија“. Програмата поврзана со отворањето на „Градината на светот“ продолжува вечерва, кога своето катче ќе го отвори и Карл Луис, освојувач на девет олимписки и осум светски титули. Тој е гостин на нашата земја на покана на општина Пазарџик, организацијата „Трчај за мир“, Здружението „Допри го виножитото“ и Здружението „Младински спортски клуб Пазарџик спортува“.

The post Во бугарски Пазарџик отворена „Градина на светот“ appeared first on Република.

Овој викенд, вибрантната енергија на една група ентузијасти по втор пат ќе го трансформира градскиот парк на Битола во патување кон иднината.

Овој настан, како и минатата, така и оваа година се осмелува да ја обмисли иднината на музиката, уметноста и урбаниот живот, трансформирајќи го градскиот парк во царство на креативност и поврзување.

Идејата за овој фестивал е предводена од динамичното трио - Стефан Милевски, Александар Петровски и Марко Трајков и нивни блиски пријатели и бројни волонтери, како приказ на нивната непоколеблива посветеност да внесат нов ветер на битолската културна сцена.

Стефан Милевски е познат  DJ од новата генерација под алијасот Berryqуat, визионерски артист и движечка сила зад фестивалот, кој тврди дека овој проект може да биде катализатор за културна промена. „Нашата цел беше да создадеме искуство кое не беше само музичко-уметнички настан, туку настан пресликан во нашите аспирации за иднината на Битола која мора да ја ослободиме од кичот“, сподели тој на пресот кој му претходеше на самиот старт на фестивалот.

Александар Петровски, инаку фотограф, додава еден свој придонес во амбиентот на настанот, создавајќи визуелен наратив и минатата и оваа година е посебен. „Парко 2047 е повеќе од фестивал, тоа е покана за истражување на пресекот на уметноста, музиката и урбаниот живот преку изложби, сетовите на бројни диџеи, енергија на новите бендови, игра, доживувања, гастрономија“, изјави тој.

Марко Трајков е исто така DJ од новата генерација под алијасот BADJUJU кој е решен да направи настан кој го надминува времето. „Паркот во Битола ни стана платно за нашите соништа“, изјави тој. „Сакавме да создадеме средина каде што музиката, уметноста и игрите ќе се спојат за да ги редефинираат нашите перцепции за модерните урбани простори“.

Дневната атмосфера на фестивалот е игралиште на креативност за сите возрасти. Децата се нурнати во интерактивни игри и имагинативни активности, поттикнувајќи средина на љубопитност и истражување. А од зајдисонце, фестивалот се трансформира и така две живописни бини се сцената за низа диџеи и бендови чиј број надминува триесет, во овие три денови.

Парко 2047 е повеќе од фестивал, тоа е како сетилно патување, преку вкусот на бургерите од кисоците, преку глетката на уметничките инсталации што инспирираат и музиката на новото време. Простор, каде новите генерации творци се осмелија повторно да го замислат пејзажот на својот град, на свој начин.

The post Парко 2047 – футуристичка слика на градскиот парк во еден фестивал appeared first on Република.

Канцеларијата на Фондот за население на Обединетите нации  - УНФПА во Скопје и Младински образовен форум - МОФ во партнерство со Агенцијата за млади и спорт - АМС, Програмата за развој на Обединети нации - УНДП, Мисијата на ОБСЕ во Скопје и Активноста на УСАИД за млади кои активно создаваат можности, организираат одбележување на Меѓународниот ден на младите, што ќе се одржи на 11 август 2023 година во Скопје, во градскиот парк - Школка, со почеток во 19:00 часот.

Настанот е посветен на младите луѓе и има за цел да ги поттикне младите да се вклучат во различни активности наменети за нив, да ги поттикне креативно да се изразуваат и делуваат и да учествуваат во процесите на донесување одлуки. Овој настан претставува одлична можност за промоција на улогата на младите во општественото делување.

Програмата на настанот ги вклучува следните активности:

Отворање на настанот со настап од Алдин Мурати - млад музичар;

Поздравни обраќања:

Моника Сандри, Привремен вршител на работите Постојан координатор на ОН

Наумче Мојсовски, директор на Агенцијата за млади и спорт;

Презентирање на процесот на подготвување на Националната стратегија за млади 2023-2027 година;

Церемонија за доделување на награди за Младинско учество - Агенција за Млади и Спорт (АМС) и Национален Младински Совет на Македонија (НМСМ).

Посета на промотивните штандови на организациите/институциите и

Концерт во изведба на „Гола Планина Колектив“ и “Roma Rock School”.

The post Одбележување на Меѓународниот ден на младите утре во Градскиот парк на Школка appeared first on Република.

Утрово во Градски парк биле исечени неколку здрави дрвја, објави „24инфо.мк“, иако за какви дрвја станува збор не може најдобро да се забележи од видеото.

Екипи од ЈП „Паркови и зеленило“ биле на терен и ги сечеле дрвјата, а наскоро се очекува и нивна реакција за акцијата која ја имале во Градски парк.

[embed]https://www.youtube.com/watch?v=-KPouc0Pwds[/embed]

The post Утрово масакрирани здрави дрвја во Градски парк appeared first on Република.

Денес почнуваме со градежните работи за изградба на нов мултифункционален комплекс во Лисиче. Во овој дел од општина Аеродром повеќе од 10 години немало ваков тип на инвестиција, односно тоа што им е најпотребно на граѓаните, место за рекреација, место за одмор, место за спортски и друг тип на рекреативни активности. Овој комплекс ќе има посебно детско игралиште, посебно спортско игралиште, мал плоштад. Инвестицијата е целосно на општина Аеродром и очекуваме инвестицијата да се реализира, односно да се заврши пред почетокот на летото, рече пред медиумите градоначалникот на општина Аеродром, Тимчо Муцунски.

Пред околу 10-тина бевте наши гости на изградбата на почетокот на градежните работи за изградба на парк „Радост“, презентиравме и друг тип на вакви активности во последните недели што значи сме максимално посветени за обезбедување на простор за рекреација, тоа што им е посебно потребно во овие периоди на жителите на општина Аеродром. Ќе ни биде задоволство да ве поканиме и понатаму, имаме многу дополнителни капитални инвестиции кои што ќе ги отпочнеме следниот период. Работиме посветено во кризни времиња, во малку поспецифични времиња за единиците на локалната самоуправа, но со посветена и искрена работа, согласно нашите програмски определби сметаме дека реализираме проекти кои што се насочени кон подобар живот на сите жители на општина Аеродром - истакна Муцунски.

The post Муцунски: По 10 години Лисиче добива нов мултифунционален спортско-рекреативен комплекс, инвестиција целосно обезбедена од општина Аеродром appeared first on Република.

Во Чаир ќе биде подигнат мега парк што ќе се протега на просторот на улица „Македонско Косовска Бригада“ од крстосницата со „Втора Македонска бригада“ до крстосницата со „Џон Кенеди“ на површина од 30.000 метри квадратни. Од Град Скопје информираат дека во паркот ќе има 500 нови дрвја и садници, нова хидрантска мрежа и тревник, две нови спортски игралишта, две нови детски игралишта, две паркови површини за миленици.

Како што се наведува во соопштението на градската администрација, предвидено е изведба и на фитнес дел, 26 нови летниковци, нови урбана опрема, пешачки патеки и фонтани, со што паркот треба да биде место кое ќе придонесе за подобар квалитет на животот, животната средина и ќе биде катче во кое жителите ќе имаат содржини за прошетка и рекреација во слободното време.

Посветено се работи за постепено исполнување на ветувањето за пет нови мега паркови, површини и дополнителни содржини, како една од бројните мерки кои меѓусебно се надополнуваат, Скопје да го решава долгорочно предизвикот со загадувањето. Со новите паркови кои се предвидени и во Гази Баба, Аеродром, Кисела Вода и мега паркот кој е во завршна фаза во Ѓорче Петров, активно се работи на реализација на ветеното за пет мега паркови и нови зелени површини и садници, се наведува во соопштението од Град Скопје.

The post Чаир добива мега парк 30.000 метри квадратни со 500 дрвја и садници appeared first on Република.

Парцелите предвидени за изградба на станбени и деловни објекти Општина Аеродром ги пренамени во места за паркови и зелени површини. Минатата година, најавивме, а денес веќе тие најави стануваат реалност. Аеродром е прва општина која избриша маркички за изградба на згради, а на тоа место наскоро започнува изградбата на нов, модерен парк на површина од 5700 квадратни метри.

Најавувајќи ја изградбата на новиот парк градоначалникот Муцунски на својата фејсбук страна напиша: Дадениот збор за мене значи многу, а јас цврсто стојам на моите ветувања, особено кога тие се поврзани со заложбите за унапредување на зеленилото, животната средина и екологијата во Аеродром.

Во близина на трговскиот центар „Лиса“, на местото каде минатата година избришавме две градежни маркички, до крајот на месецот треба да отпочне изградбата на новиот парк со најсовремен изглед и содржини за сите генерации. Тој е финансиран со средства од буџетот на Општина Аеродром, во партнерство со општествено одговорни компании кои се грижат за животната средина.

Аеродром и аеродромци добиваат уште еден зелен проект со кој сите ќе бидеме горди, парк кој е уште еден важен проект во унапредувањето на урбаното живеење и давањето придонес за чиста и здрава животна средина.

The post На локација на која беа предвидени згради, почнува изградбата на нов парк во Аеродром appeared first on Република.

Аеродром добива нов парк, носиме нова енергија во урбаното живеење и ја унапредуваме животната средина во Аеродром, објави на својата Фејсбук страница градоначалникот на општина Аеродром Тимчо Муцунски.

Го остваруваме ветувањето дека ќе инвестираме во зелени проекти, нови места за релаксација и рекреација за граѓаните. Денеска почна изградбата на новиот парк во Стар Аеродром, проект кој е целосно финансиран од општествено одговорна компанија. Аеродром добива нова парк на површина од 2300 метри квадратни, а граѓаните од овој дел на општината добиваат ново зеленило, место за одмор и рекреација кое ќе биде уредено со модерна опрема и согласно најсовремените стандарди за уредување на простори од ваков тип.

Се радувам за реализацијата на зелени инвестиции, затоа што ова е уште еден чекор напред кон зелен Аеродром, и чекор преку кој уште еднаш ја потенцираме важноста на инвестициите во животната средина, но и важноста на инфраструктурни проекти кои го унапредуваат урбаното живеење. Изградбата на паркот вклучува поставување на урбана опрема, хортикултурно уредување, поплочување на патеките, современ систем за наводнување и модерно лед осветлување.

Благодарам на одговорните компании кои се грижат за нашата општина и животната средина. Во следниот период најавуваме повеќе капитални инвестиции во општината: нови паркови, плоштади и енергетско ефикасни проекти кои ја создаваат новата реалност и поубавата слика за општина Аеродром, пишува Муцунски во својата објава.

The post Почна изградбата на новиот парк во Стар Аеродром appeared first on Република.

Иницијативата „Тетово сака парк“ со нова идеја до локалната власта како да се подобри животната средина во градот, а притоа да биде уреден и дел од јавниот простор. Според нив, таква можност има за дел од кејот на реката Пена.

-Секој потенцијал за унапредување на животната средина и уреденост на јавниот простор треба да биде искористен. Во прилог фотографија од десната страна на кејот на река Пена, каде се гледа огромен широк простор обраснат во трње, кој може да се израмни, да се подигне тревник и да се засадат над 50 високостеблести дрвја. Пролетта е нова можност, потенцираат од „Тетово сака парк“.

Оваа граѓанска иницијатива која се залага Тетово да добие парк обраложи дека градот зелен простор поголем од еден хектар што е минимум за една површина да се нарече парк. Оваа иницијатива предлага пренамена на четири урбани блокови со намената Д - за зеленило и рекреација со што би се добиле максимални 16 хектари прв градски парк

The post Тетовчани сакаат парк appeared first on Република.

Четириесетгодишна скопјанка, на 28.01.2023 година, во 20:30 часот во Полициска станица Центар, пријавила дека по претходна расправија, била физички нападната од нејзиниот поранешен вонбрачен партнер В.М.

Како што соопшти МВР, настанот се случил околу 14:00 часот во парк на подрачјето на Центар.

Се преземаат мерки за расчистување на случајот.

The post Во парк нападната 40-годишна скопјанка од поранешниот вонбрачен партнер, го пријавила во полиција appeared first on Република.

Нов рекреативен парк со самонаводнување никнува на местото од дивата депонија во селото Драчево. Во месноста Оскиген, на површина од 7500 м2, Општина Кисела Вода гради рекреативен центар каде во своето слободно време ќе можат да уживаат граѓани од сите возрасти.

Покрај голема површина на зеленило кое ќе се одржува преку систем за самонаводнување, просторот ќе нуди и детски катчиња, сквер, патеки, летниковци како и фитнес справи. Љубителите на фудбалот и баскетот пак, ќе имаат прилика да спортуваат на комплетно нови целосно освтлени игралишта.

Градежните работи се во полн ек и наскоро, ова ќе биде новото собиралиште за одмор и рекреација на сите жители од овој дел на градот.

По повеќе од три децении празни ветувања, дивата депонија во местото викано Оксиген ја претвораме во огромен рекреативен парк со самонаводнување од 7500m2! Во селото Драчево, огромната површина во Оксиген во изминативе триесеттина години служеше како депонија која во еколошка и естетска смисла го нарушуваше животот и здравјето на моите сограѓани.

 

Тоа не би било така доколку властите во изминатите неколку децении го сределе ова место. Напротив, беше уште едно лажно ветување дека оваа депонија ќе прерасне во парк, особено пред секои избори.

 

На тоа решивме да му ставиме крај и конечно ова место да стане современ рекреативен центар каде во своето слободно време ќе можат да уживаат сите возрасти, изјави Ѓорѓиевски.

Рекреативниот парк ќе се простира на површина од 7500 м2 и ќе нуди детски катчиња, сквер, патеки, летниковци како и фитнес справи.

Љубителите на фудбалот и баскетот пак, ќе имаат прилика да спортуваат на комплетно новите игралишта, но и да уживаат во фудбалските натпревари од трибини во денот, но и навечер бидејќи целиот парк ќе биде осветлен.

Паркот ќе има има и голема површина на зеленило за сето ова убаво да изгледа и зеленило кое ќе содржи систем за самонаводнување преку атмосферски бунар.

Местото веќе почнува да го добива својот лик, работите се одвиваат со полна пареа за овие мои сограѓани да го имаат тоа што го заслужуваат.

 

Убеден сум дека ова ќе биде ново место на кое сите ќе се собираме, ќе се дружиме и ќе остане да сведочи за новата иднина која ја испишуваме за нашата Кисела Вода.

 

Продолжуваме да креираме иднина, преку дела кои мојот народ ги препознава“, изјави градоначалникот Орце Ѓорѓиевски при увидот во градежните активности.

The post Наместо депонија, современ парк од 7500 м2 во село Драчево appeared first on Република.

Продолжува изградбата на новиот парк на 5000 метри квадратни во Ченто, кој се гради со меѓуопштинска соработка помеѓу општина Гази Баба, Град Скопје и ЈП Паркови и зеленило.

Паркот се наоѓа во непосредна близина на ООУ „Крсте Мисирков“ во Ченто.

Како што соопшти градоначалникот на Гази Баба Бобан Стефковски, екипите на ЈП „Паркови и зеленило“ претходно целосно го расчистија просторот, поставија нов систем за полевање, а во наредниот период ќе се формира и тревна површина. Новиот парк ќе биде збогатен и со два нови видиковци изработени од дрво.

Екипите на ЈП „Улици и патишта“ во моментов на терен ги изведуваат пешачките и пристапните патеки во паркот. Новиот парк ќе има една главна пешачка патека во должина од 100 метри и широчина од 2,70 метри, или со вкупна површина од 350 квадратни метри. Дополнително, во новиот парк ќе се изградат и две помали пристапни патеки, кои ќе водат до новите видиковци, кои ќе бидат во должина од по 20 метри и со широчина од 1,50 метри. Покрај патеките на повеќе локации се планира и поставување на клупи и друг вид на урбана опрема.

Продолжуваат инвестициите во нови парковски површини. Нашата Гази Баба го живее новото време!, порача Стефковски.

The post Продолжува изградбата на новиот парк на 5000 метри квадратни во Ченто appeared first on Република.

Советот на Град Скопје на последната седница ја потврди иницијативата поднесена од Општина Аеродром, која се однесува на новиот Регулациски план за Реонски центар и населба Лисиче. Со оваа одлука се потврдува бришење на вкупно 4 градежни маркички на посочените локации, а исто така со ваквото носење на одлуката, се овозможува и стартот на проектот за изградба на Спортскиот центар „Пирин“ во населба Лисиче. Со ваквата одлука, аеродромци наскоро ќе добијат нов парк на површина од 6.000 м2 како и комплетно нов спортски комплекс.

Бришењето градежни маркички во урбаното јадро на оваа скопска општина, според локалното население е исклучително важно, па активисти за заштитна на животната средина позитивно реагираа на одлуката на Советот на Општина Аеродром, токму во Реонскиот центар, наместо првично најавените проекти за изградба на згради, просторот да се пренамени во парк.

Важноста за нови зелени површини во најбројната скопска општина е дотолку поголем што населението во Општината, особено во овој нејзин дел, се претежно млади луѓе со мали деца што имаат потреба од еден ваков раззеленет простор. Дополнително, засадувањето нови садници е важно и поради фактот што оваа скопска општина, со години наназад високо котира на листата на најзагадени општини кога станува збор за квалитетот на амбиенталниот воздух.

И градоначалникот на Аеродром Тимчо Муцунски на социјалните мрежи се пофали дека конечно нема никакви пречки за реализацијата на ваквите проекти.

Со оваа одлука, се потврдува нашата иницијатива за бришење на вкупно 4 градежни маркички на посочените локации. Две од маркичките на кои претходно беа планирани згради сега се претворени во земјиште на кое ќе има парк од 6.000 квадратни метри, додека останатите две од станбено-деловен простор стануваат објекти за образование. Дополнително, одлуката на Советот за потврдување на нашата иницијатива, конечно ги создава правните предуслови за отпочнување на процесот за изградба на Спортскиот центар „Пирин“ во населба Лисиче – рече градоначалникот Муцунски, кој истакна и дека тие како општинско раководство имаат за цел да го оправдаат епитетот на прва општина што пренаменува маркички од згради во паркови и објекти од корист за сите граѓаните.

Во својата предизборна програма, Муцунски најави дека во делот на Реонскиот центар ќе никне нов парк, кој ќе биде збиралиште на аеродромци и каде што ќе бидат засадени најразлични видови дрвја во согласност со спецификите на подрачјето. Според најавите, освен зеленило, во паркот ќе има и многубројни детски реквизити, урбана опрема и интересни содржини за сите возрасти на деца.

Кога станува збор за отпочнување на процесот за изградба на Спортскиот центар „Пирин“ во населба Лисиче, според најавите на локалните власти, предвидено е местото да биде претворено во спортски комплекс во чии рамки ќе има фудбалски, кошаркарско и ракометно игралиште.

The post Град Скопје даде амин, наместо згради во Реонскиот центар, ќе се гради парк на 6.000 квадратни метри appeared first on Република.

Советот на Град Скопје на денешната седница ја потврди иницијативата поднесена од страна на Општина Аеродром, а која се однесува на новиот Регулациски план за Реонски центар и населба Лисиче.

Со оваа одлука, се потврдува нашата иницијатива за бришење на вкупно 4 градежни маркици на посочените локации. Две од маркиците на кои претходно беа планирани згради сега се претворени во земјиште на кое ќе има парк од 6.000м2, додека другите две од станбено-деловен простор стануваат објекти за образование.

Дополнително, одлуката на Советот за потврдување на нашата иницијатива, конечно ги создава правните предуслови за отпочнување на процесот за изградба на Спортскиот центар „Пирин“ во Населба Лисиче.

Промените во начинот на владеење во Аеродром се случуваат. Ја исполнуваме нашата заложба да продолжиме со хуманата урбанизација и да го оправдаме епитетот на прва општина што пренаменува маркици од згради во паркови и објекти од корист за сите граѓани!

The post Избришани четири маркици за згради, наместо тоа жителите на Аеродром ќе добијат нов парк и спортски центар appeared first on Република.

Градоначалничката на Град Скопје, Данела Арсовска, заедно со градоначалникот на Општина Бутел, Дарко Костовски и директорот на ЈП Паркови и зеленило, Ангеле Сотировски, извршија увид на новата реализирана зелена површина на улицата Бутелска во населбата Радишани во општина Бутел.

Долгодишната дивна депонија сега е нова зелена површина од над 3000 квадратни метри, во првата фаза хортикултурно се уредени околу 1496 квадратни метри, а во втората завршна фаза хортикултурно се уредени уште 1500 квадратни метри.

Наместо долгогодишна дива депонија уредивме нова зелена површина на површина од над 3000 квадратни метри за граѓаните. Во оваа прва фаза на оваа површина засадени се над 200 зимзелени и листопадни садници. Продолжуваме со реализација на уредување и подигнување на нови зелени површини и зелени коридори во Скопје – изјави Арсовска.

Новиот парк за граѓаните на општина Бутел содржи нови патеки за пешачење, посебен систем за наводнување, зимзелени и листопадни дрвца, нови летниковци како и содржини за најмладите. Комплетно реконструирано е и фудбалското игралиште коешто се наоѓа во овој потег – истакна Костовски.

За комплетно уредување на оваа зелена површина, екипите на ЈП „Улици и патишта“ во средишниот дел на паркот изградија пешачка патека, поставена е заштитна ограда и заштитни столпчиња.

Градот Скопје, заедно со ЈП „Паркови и зеленило“ и општините, продолжуваат со активности за уредување на нови зелени површини и формирање на зелени коридори низ населените места во Скопје.

The post Арсовска – Костовски: Наместо дива депонија, реализирана нова зелена површина над 3000 квадратни метри во населба Радишани appeared first on Република.

Тимчо Муцунски, градоначалник на Аеродром најави почеток на нов проект - изградба на нов парк на ул. „23 Октомври“ во Стар Аеродром.

Во соработка со општествено одговорна компанија ќе се уреди нов парк со површина од 2.300 м2. Изградбата опфаќа детски парк и содржина за возрасни со новопроектирани пешачки патеки, простор за одмор, простор за одржување на настани, павилјон за одмарање, ново хортикултурно уредување и поставување на нова наменска урбана опрема. Воедно, тука ќе никнат и нови садници со кои ќе придонесеме за нашата општина да добие уште повеќе зеленило
Инвестицијата е вредна повеќе од 5,000,000 денари, а ќе се реализира во соработка со компанија која помага овој дел од Општина Аеродром да добие нов лик како вистинска урбана општина, вели Муцунски.

Овој парк ќе биде одлично место за рекреација на сите генерации, а ова е еден од многуте паркови кои ќе никнат со оваа локална власт и така само ќе го реализираме нашето предизборно ветување од нови 100.000 м2 зеленило во Општина Аеродром.

The post Стар Аеродром добива нов детски парк и содржина за возрасни appeared first on Република.