Командата на украинската копнена армија соопшти дека се донесени нови одлуки во врска со мобилизацијата на Украинците и дека сите граѓани на возраст од 18 до 60 години можат доброволно да учествуваат во борбата против руските сили.

Командата наведува дека не може јавно да открие детали бидејќи, како што истакнува, „слободниот пристап до прашањата за регрутирање на единици ја проширува способноста на непријателот да ги процени нашите ресурси и планови“.

Старосната граница за мобилизација во Украина е намалена во мај годинава од 27 на 25 години.

The post Команда на украинската армија: Сите Украинци на возраст од 18 до 60 години можат да се борат appeared first on Република.

Навивачката група на Вардар, Комити прогласи општа мобилизација на своите членови, повикани се сите кои сакаат да помогнат во гаснењето на пожарите кои ја зафатија Македонија.

Собирот е во 17 часот кај Шарлота, а половина час подоцна ќе тргнат кон Свети Николе каде ќе помогнат со гаснењето на пожарите кои го зафатија овој регион.

„ТРИБИНАТА-ЗА ТАТКОВИНАТА!
Републиката е повторно во пламен. Ние сме подготвени за борба!
Групата прогласува ОПШТА МОБИЛИЗАЦИЈА на членството и ги повикува сите кои сакаат да помогнат!
Собирот започнува утре во 17:00ч
Локација: Шарлота
Дојдете со автомобили, и носете со себе:
・Чизми, маски за лице и капа
・Долги пантолони (не памучни)
・Шишиња со вода
・Лопати и гребла
・Мокри кебиња за безбедност
НАПОМЕНА: Организиран превоз нема. Затоа дојдете со што е можно повеќе автомобили. Ќе се организираме!
Тие кои не можат да дојдат, нека донираат опрема и се што можат од горе наведеното.
Во 17:30ч. ќе се упатиме сите заедно кон Свети Николе, каде што во моментов пожарот уништува цели животи на луѓе.
Веднаш започнете со организација и мобилизација. Одиме сите заедно – за македонски градови и села!
ПРВИ ДА ТЕ БРАНИМЕ!“, стои во објавата на Комити.

Многу корисно би било овој пример на Комити да го следат и останатите навивачки групи, да се мобилизираат колку што е можно повеќе луѓе во борбата против оганот.

The post Навивачката група „Комити“ прогласи општа мобилизација на своите членови: Повикани се сите кои сакаат да помогнат во гаснењето на пожарите appeared first on Република.

Повеќе од 2,7 илјади осудени лица влегле во служба во вооружените сили на Украина, а по ослободувањето од затвор се распоредени во јуришни бригади. Ова го пренесува Вашингтон пост повикувајќи се на Министерството за правда на Украина.

Весникот забележува дека во блиска иднина се планира регрутирање на уште четири илјади затвореници.

За таа цел, украинскиот претседател Болодимир Зеленски потпиша нов закон со кој се дозволува условно ослободување на осудените за помали кривични дела, со цел нивна мобилизација и испраќање во борбената зона.

The post Украина зема илјадници осуденици од затвор и ги праќа на фронтот appeared first on Република.

Унгарскиот премиер, Виктор Орбан, потпиша декрет со кој им се овозможува на украинските граѓани да добијат дозволи за престој дури и со истечен пасош.

­Оваа мерка ќе важи за целото времетраење на вонредната состојба прогласена од унгарските власти во мај 2022 година во врска со почетокот на војната во Украина и која оттогаш редовно се продолжува.

Овој чекор е одговор на иницијативите на властите во Киев, кои, во врска со законот за заострување на мобилизацијата, го ограничија обезбедувањето конзуларни услуги на оние Украинци во странство кои се на возраст за воена служба.

Како резултат на тоа, тие ја изгубија можноста да добијат нови документи (според планот на украински службеници) без да бидат принудени да одат дома и да паднат во рацете на воените канцеларии за регистрација и упис во украинските сили.

Одлуката на властите во Будимпешта ќе ги наруши таквите обиди на властите во Киев да ги натераат Украинците од странство да се вратат за да ги надополни ресурсите за мобилизација.

The post Унгарија ќе им дозволи на украинските бегалци да останат и без документи за да ибегнат мобилизација во Украина appeared first on Република.

Украинка е казнета затоа што избегнала воена регистрација.

Судот во украинскиот град Мукачево прогласил за виновна една жителка на регионот Транскарпатија, која имала средно медицинско образование, за избегнување на воената регистрација, при што и досудил парична казна.

Како што објавија локалните медиуми, Олга Кулја ги игнорирала поканите доставени до неа на 9 април со предупредување од шефот на територијалниот центар за регрутирање (воена регистрација и уписна канцеларија) за потребата да биде регисрирана во воено-медицинска комисија.

Судот и одредил парична казна од 5.100 гривни (129,6 долари).

The post Украинка казнета затоа што одбила да се пријави за регрутација во воените сили appeared first on Република.

Поради спроведување мобилизација на обвинети лица, во Украина е суспендирано разгледувањето на речиси 11.000 кривични предмети.

Како што објави „НЛГмедиа“, затворските казни биле укинати не само за одговорните за фатални несреќи или поткуп, туку и за силувачите на деца и соучесниците во нарачани убијци.

Според новинарите кои ги прегледале судските документи, 25 отсто од обвинетите за кривични дела веќе имаат добиено воен статус.

Во 95% од случаите, судовите ја прекинувале постапката за кривично гонење по извршената мобилизација на обвинетите. Во текстот се појаснува и дека судските одлуки во вакви случаи не подлежат на жалба.

The post Во Украина се врши мобилизација на обвинети криминалци, прекинати се повеќе од 11.000 судски постапки appeared first on Република.

Украинскиот претседател Володимир Зеленски во вторникот потпиша нацрт-закон за намалување на возраста за воена мобилизација од 27 на 25 години, бидејќи на вооружените сили им недостасуваат луѓе за да се спротивстават на руската инвазија.

Овој предлог-закон, кој пред една година беше изгласан во украинската Врховна Рада (парламентот) и се чекаше на потпис од претседателот, ќе стапи на сила во среда, се наведува на веб-страницата на парламентот. Украинската влада потоа мора да ги усогласи различните регулаторни текстови со новата возраст за мобилизација во рок од шест месеци.

Украинската армија претрпе големи загуби, чиј обем се чува во тајност, а сега за разлика од почетокот на конфликтот и по долго подготвуваната летна протиофанзива, се мачи да најде доброволци за фронтот. На социјалните мрежи сѐ почесто се појавуваат видео-материјали од насилни мобилизиации во украинските градови.

Володимир Зеленскиј изјави во декември 2023 година дека армијата му побарала мобилизација на до 500.000 дополнителни луѓе, број што оттогаш е намален од новиот врховен командант на украинската армија, Александр Сирски. Сегашниот систем на регрутирање многу Украинци го сметаат за нефер, неефикасен и често корумпиран, а има и барања за демобилизација на оние кои долго време се на фронтот.

The post Зеленски ја спушти возраста за мобилизација од 27 на 25 години appeared first on Република.

Вооружените сили на Украина се помасовно мобилизираат жени затоа што повеќе нема доволно мажи за мобилизација за фронтот, објави „Франција инфо“.

Изданието известува дека воените инструктори изведуваат тренинзи на цели женски баталјони во шумите во близина на Киев.

Ваквата мобилизација се изведува врз основа на претстојниот закон за мобилизација, чие донесување во парламентот - Радата, предизвика широк револт ширум земјата, и во пресрет на информациите од фронтот од каде пристигнуваат извештаи за недостаток на војници и лекари.

Ова е катастрофа. Се разбира, нема многу од оние кои се подготвени да ги напушат својот живот и работа за да се пријават во војска. Но, немаме избор, многу е тешко тука“, цитираат француските новинари зборови на еден од лекарите на првата линија.

The post Украинците масовно мобилизираат жени поради недостиг на мажи за испраќање на фронтот appeared first on Република.

На границата на Украина со Молдавија припадниците на украинската гранична стража откриел о заробиле десетина луѓе, кои се обидувале нелагално да ја напуштата државата, со цел да ја избегнат мобилизацијата во оружените сили и да бидат испратени на фронтот.

Како што пишуваат украинските медиуми, луѓето платиле по пет илјади долари на шверцери на луѓе за да ги пренесат реката Днестар.

Сепак, кога дошле на брегот на реката, наместо феробот, таму во заседа ги чекале украинските граничари.

Како што коментираат на украинските социјални мрежи, шверцерите на луѓе биле всушност прикриени припадници на граничната служба, кои со ваквите измами добиваат двојна корист, од една страна добро заработуваат, а од друга можат да пријават добра бројка на спречени нелегални напуштања на Украина.

The post Плаќаат илјадници долари за да избегаат од Украина, а „шверцерите“ им ги земаат парите, па ги предаваат на граничната служба appeared first on Република.

Поранешниот украински министер за економски развој, трговија и земјоделство, Тимофеј Милованов, на социјалните мрежи пишува дека една од можностите за спроведување зголемена мобилизиција во Украина е преку лотарија или ждрепка.

Според интеракцијата што тој ја спроведува на социјалните мрежи, процесот на лотарија би се одвивал така што државата по случаен избор ќе ги одредува денот и месецот. Потоа, оние луѓе родени во овие денови се мобилизираат, а другите не.

Тој процес би се повторувал за секој нов бран на мобилизација.

The post Екс украински министер: Мобилизацијата во Украина може да се направи преку лотарија и ждрепка appeared first on Република.

Нацрт-законот, кој беше објавен на веб-страницата на украинскиот парламент доцна во понеделникот, предвидува намалување на старосната граница за воена мобилизација од 27 на 25 години.

Во предлог-законот детално е прецизирано кои украински државјани би биле предмет на упис во воената регистрација на регрути, а се наведува дека тоа ќе важи за оние „кои наполниле 25 години“.

Во образложението потпишано од министерот за одбрана Рустем Умеров се сумирани клучните одредби од предлог-законот, а меѓу нив е „промената на возраста за регрутирање од 27 на 25 години“.

Украинскиот претседател Володимир Зеленски на прес-конференција на 19 декември рече дека армијата предложила да се мобилизираат уште 450.000-500.000 Украинци, но дека тоа е „многу чувствително“ прашање за кое армијата и владата ќе разговараат пред да одлучат дали да го испратат предлогот до парламентот. .

Зеленски, кој допрва треба јавно да го поддржи предлогот, тогаш рече дека сака да слушне повеќе аргументи за мобилизирање дополнителни трупи.

- Ова е многу сериозна бројка - рече Зеленски.

Не е познато колку војници располага Украина, но претходно се зборуваше за милион луѓе под оружје.

Американските власти проценуваат дека стотици илјади војници се ранети или убиени од почетокот на руската инвазија.

Давид Арахамија, шеф на пратеничката група на партијата Зеленски, рече дека Владата работи на предлог-закон по барање на армијата и дека тој треба да биде претставен во понеделник во парламентот.

На армијата и треба решение за проблемите. Општеството сака да слушне одговори на сите чувствителни прашања - објави Арахамија на Телеграм во понеделник.

The post Украина планира да ја намали старосната граница за мобилизација на војници appeared first on Република.

Предложен е закон, кој доцна синоќа беше објавен на веб-страницата на украинскиот парламент, а предвидува намалување на старосната граница за воена мобилизација од 27 на 25 години.

Во предлог-законот детално се прецизира кои украински државјани би биле предмет на упис во воената регистрација на регрути, а се наведува дека тоа ќе важи за оние „кои наполниле 25 години“.

Во образложението потпишано од министерот за одбрана Рустем Умеров се сумирани клучните одредби од предлог-законот, а меѓу нив е „промената на возраста за вработување од 27 на 25 години“.

Украинскиот претседател Володимир Зеленски на прес-конференција на 19 декември рече дека армијата предложила да се мобилизираат уште 450.000-500.000 Украинци, но дека тоа е „многу чувствително“ прашање за кое армијата и владата ќе разговараат пред да одлучат дали да го испратат предлогот до парламентот.

Зеленски, кој допрва треба јавно да го поддржи предлогот, тогаш рече дека сака да слушне повеќе аргументи за мобилизирање дополнителни трупи.

Ова е многу сериозна бројка, рече Зеленски.

Не е познато колку војници располага Украина, но претходно се зборуваше за милион луѓе под оружје.

Американските власти проценуваат дека стотици илјади војници се ранети или убиени од почетокот на руската инвазија.

Давид Арахамија, шеф на пратеничката група на партијата Зеленски, рече дека Владата работи на предлог-закон по барање на армијата и дека тој треба да биде претставен во понеделник во парламентот.

На армијата ѝ треба решение за проблемите, објави Арахамија на Телеграм во понеделникот.

Општеството сака да слушне одговори на сите чувствителни прашања, додаде тој.

The post Украина ја намалува возрасната граница за мобилизација appeared first on Република.

Соочени со екстремно слаб успех во обидите за регрутација нови борци за воените сили за борба против руските сили, украинските власти се обидуваат да ги привлечат граѓаните со различни иновативни кампањи.

Таков е обидот да се мотивираат Украинците да се пријават во војска со плакати и билборди на кои руските сили се прикаѓани како крволочни зомбија од филмовите.

Пораката на оваа кампања е дека младите Украинци, со пријавувањето во војска, ќе добијат можност да бидат дел од борбата против руската зомби апокалипса.

The post Украина бара борци против руските зомбија appeared first on Република.

Во најтешките моменти за нивната земја, израелските граѓани кои живеат во странство не бегаат од војната дома, туку се одвива сосема спротивна ситуација.

Од Атина до Њујорк, тие брзаат на аеродромите и се обидуваат некако да дојдат во Израел, после најголемиот напад на Хамас за последните 50 години. Некои се враќаат за да бидат мобилизирани, за да учествуваат во одбрана на земјата, некои веројатно таму живеат и сакаат да бидат дома, без оглед на тешката ситуација.

Во Грција стотина луѓе чекале со часови да се качат на вонредните летови на аеродромот во Атина. Патувањата се покажаа како предизвикувачки, бидејќи големите авиокомпании ги суспендираа летовите во и од Израел. Некои резервисти во САД- дом на преку 140.000 луѓе родени во Израел, се обидуваат да дојдат до чартер летови.

Многу од Израелците во странство, како што пишува АП, копнеат да служат, покрај тоа што војната до сега однесе најмалку 1.8000 животи, додека кризата не покажува знаци на скор крај.

The post Израелци од целиот свет брзаат дома да одат во војска: Го преживеавме Аушвиц,ќе го преживееме и ова appeared first on Република.

Денеска, рускиот парламент го продолжи правото на воена регрутација за најмалку пет години за највисоките офицери до 70-годишна возраст.

Минатиот септември Русија ја објави својата прва мобилизација по Втората светска војна, повикувајќи повеќе од 300.000 поранешни војници во главно хаотична итна мобилизација. Законот усвоен во вторник дозволува мажите кои завршиле задолжителна служба да бидат мобилизирани без никакви дополнителни обврски до 40, 50 или 55 години, во зависност од нивната категорија, објави на својата веб-страница Државната дума, Долниот дом на парламентот. Во сите случаи, старосната граница беше зголемена за пет години.

Новиот закон значи дека резервистите со највисок ранг сега можат да бидат вратени на служба до 70, а не 65 години, други високи чинови до 65, помлади офицери до 60 години – и сите останати до 55, а не 45 години.

Министерот за одбрана Сергеј Шојгу рече дека планира да го зголеми основниот број на борбен персонал во службата.

The post Русија ја зголеми старосната граница за мобилизација appeared first on Република.

Пратеникот Андреј Каратполов, претседател на Комитетот за одбрана во Долниот дом на рускиот Парламент, (Дума) денеска ги отфрли наводите за потребата од нова воена мобилизација во земјата, со која треба да се заменат членовите на паравоената група „Вагнер“, кои повеќе не се борат во Украина.

Претседателот на Руската Федерација (Владимир Путин) кажа јасно, разбирливо и конкретно дека нема да има нова мобилизација - изјави Картаполов за Тасс.

Нема потреба од мобилизација ниту денес, ниту во блиска иднина, додаде тој.

Пратеникот оцени дека нема закана за намалување на борбениот потенцијал, како што наведе, на среден или долг рок, како и дека Москва има доволно вооружени сили да ги замени припадниците на „Вагнер“, пренесе руската агенција.

Според него, во моментот кога беше изведен неуспешниот бунт на „Вагнер“, во првите борбени линии на фронтот во Украина немало нивни членови и сите биле во нивните кампови.

По неуспешниот бунт, на крајот на јуни, шефот на групата „Вагнер“, Евгениј Пригожин, се согласи да оди во Белорусија, врз основа на посредништво на Минск. Според условите на тој договор, членовите на групата „Вагнер“ можат да изберат - да одат во Белорусија, да се приклучат на редовната руска армија или да се вратат во цивилниот живот.

Евгениј Пригожин рече дека целта на неговиот бунт не била да ја собори владата, туку да го спречи рускиот Генералштаб, кој тој го обвинува дека е неспособен во конфликтот во Украина, да ја растури неговата платеничка група „Вагнер“.

The post Каратаполов: Нема нова мобилизација во руската армија по бунтот на „Вагнер“ appeared first on Република.

На борците од руската република Чеченија под команда на Рамзан Кадиров најверојатно им било наредено да преземат водечка улога во борбите во Украина во деновите кога гувернерот на руската област Белгород најави евакуација на децата поради прекуграничните напади од Украина, јави Ал Џезира.

Институтот за проучување на војната (ИСВ) со седиште во Вашингтон во својот последен извештај објавен денеска вели дека руските воени команданти најверојатно им наредиле на Чеченците да се приклучат на битката по повлекувањето на платеничките сили на Вагнер од разурнатиот Бахмут.

Според ИСВ, Кадиров вчера потврдил дека неговите сили добиле нови наредби и оти ќе бидат распоредени во „жариштето на борбата“ за да „ослободат“ голем број населени места откако ќе ја преземат одговорноста за првите линии на фронтот во југоисточниот украински регион Доњецк.

Кадиров рекол дека чеченските специјални сили се подготвуваат за офанзивни операции пред очекуваната контраофанзива со која Украина има намера да ја врати територијата од руските сили.

Наводното враќање на чеченските сили во офанзивните операции ќе стави крај на речиси едногодишната пауза на Кадиров од борбените операции со висок интензитет во Украина, соопшти ИСВ.

Чеченските борци оперираа првенствено во областите зад линијата на фронтот, откако учествуваа во крвавите битки во украинските градови Мариупол, Северодоњецк и Лисичанск, соопшти ИСВ.

Чеченските единици може да бидат сфатени од Кремљ како неискористена офанзивна сила која може да ја врати способноста на Русија да одржи офанзивни напори на повеќе страни, додаде ИСВ.

Меѓутоа, Институтот исто така, забележува дека ако се вистинити извештаите за 7.000 чеченски војници во Украина, силите на Кадиров нема да имаат доволно војници за „успешно да спроведат повеќе значајни офанзивни операции“.

Опишувајќи се себеси како „пешадинец“ на рускиот претседател Владимир Путин, Кадиров претходно ги распореди своите сили за поддршка на руските воени операции во Сирија и Грузија.

Извештаите за можно враќање на чеченските сили во офанзивните операции доаѓаат во услови на зголемено гранатирање на пограничната област на рускиот Белгород, каде властите почнаа да ги евакуираат децата од областите Шебекино и Граиворон.

Регионалниот гувернер на Белгород, Вјачеслав Гладков, вчера на Телеграм соопшти дека првите 300 деца ќе бидат евакуирани во Воронеж, град кој се наоѓа на околу 250 километри североисточно од Белгород. Во наредните денови, уште 1.000 деца ќе бидат префрлени во други провинции, рече тој.

Безбедноста на децата во овие два окрузи е многу важна. Сите ние возрасните сме многу загрижени, рече Гладков.

Гладков нагласи дека ситуацијата се влошила во селото Шебекино, каде што имало повеќе гранатирања во текот на денот во кои четири лица биле ранети, но немало загинати.

Тој, исто така, ги повика руските сили да започнат напади и да го заземат украинскиот регион Харков, вклучувајќи го и градот Харков, за да создадат тампон-зона меѓу Белгород и Украина, наведува ИСВ.

Локалните медиуми јавија дека Шебекин бил гранатиран и утрово. Наводно, едно лице загинало, а две се ранети во нападот на Белгород во вторникот. Неколку рафинерии за нафта во регионот беа исто така погодени во последните недели.

Нападите на руско тло доаѓаат додека Киев вели дека подготвува голема офанзива против силите на Москва.

Ситуацијата е доста алармантна, изјави вчера портпаролот на Кремљ, Дмитриј Песков.

- До сега не слушнавме ниту еден збор на осуда од Западот, рече Песков за нападите во кои беа погодени руските цивили во регионот.

По повеќе од една година војна во Украина, Русија се соочува со сè поинтензивни напади на нејзина територија, со невиден упад на руски борци во Белгород минатата недела и напад со дронови врз Москва во вторникот.

Минатонеделниот упад од Украина во Русија на Рускиот волонтерски корпус (РВЦ) и сојузничката Легија на Слободна Русија беше најголем од почетокот на руската инвазија минатата година.

Кремљ вчера соопшти дека не размислува за воведување вонредна состојба во Русија, и покрај нападите со дронови врз Москва и континуираното гранатирање на пограничните области.

Според медиумите, Песков реагирал на барањата на чеченскиот лидер Кадиров за поостри напади врз Украина и прогласување вонредна состојба по нападот со дронови врз Москва.

Песков рече дека таквата одлука е на Москва, а не на регионите. Тој исто така изрази загриженост за континуираното гранатирање на Белгород.

Преземаме мерки, рече Песков.

The post Наредена мобилизација на чеченските војници appeared first on Република.

Долниот дом на рускиот Парламент едногласно изгласа измените на законот со цел да се олесни мобилизацијата, и да се отежне избегнување на регрутирањето.

Измените предвидуваат воведување електронски систем за воено регрутирање односно електронски повици преку интернет.

Досега документите за регрутирање во Русија требаше да се поднесуваат лично во локална воена канцеларија или преку работодавецот. Со измените на законот, документите за регрутација би се испраќале по пошта и преку интернет.

По добивањето на електронската покана, на граѓаните кои нема да се појават во воената канцеларија автоматски ќе им биде забрането да патуваат во странство

The post Русите на мејл ќе добиваат регрутација за во војска и мобилизација appeared first on Република.

Властите на Крим наредија отпочнување на воена обука на деца. Според објавите на руските медиуми станува збор за основна воена подготовка, а видео од тековните вежби на Твитер објави новинарот на Би Би си Френсис Скар.

Крим беше една од појдовните точки на руската воена операција, а полуостровот е под руска контрола од 2014 година, кога се припои кон Русија.

Министерството за одбрана на Русија на 1 април ќе почне нова кампања за регрутирање со цел потпишување договори со 400.000 професионални војници, јавува Радио Слободна Европа, повикувајќи се на повеќе регионални медиуми.

Министерството, наводно, испратило наредби до руските региони во кои се наведува бројот на луѓе со кои мора да се потпишат воени договори.

Медиумите информираат и дека жителите на руската област Воронеж почнале да добиваат покани за воени канцеларии, како што тоа го направија во септември минатата година по таканаречената делумна мобилизација што ја најави рускиот претседател Владимир Путин.

Локалните власти пак тврдат дека жителите се повикани во канцелариите за регрутирање само за да ги ажурираат информациите за нивната воена регистрација.

На крајот на октомври минатата година Путин и рускиот министер за одбрана Сергеј Шојгу изјавија дека мобилизацијата е завршена, но указот за „делумна мобилизација“ остана на сила.

The post Русија мобилизира нови 400.000 војници appeared first on Република.

Петмина Руси кои избегале од мобилизацијата се заглавени на аеродромот во Сеул и таму живеат веќе неколку месеци

Студентот од Бурјатија, Владимир Марактаев, за корејското издание „The Korea Times“, вели дека си заминал од дома на 24 септември откако добил покана за во војска.

Потоа, тој и неговите пријатели ја преминале монголската граница со автомобил, оттаму одлетале на Филипините, а потоа во Кореја, надевајќи се дека таму ќе добијат азил. Сепак, од ноември Марактаев живее на аеродромот Инчеон во Сеул.

https://twitter.com/paolobucci68/status/1612412290296606721?ref_src=twsrc%5Etfw%7Ctwcamp%5Etweetembed%7Ctwterm%5E1612412290296606721%7Ctwgr%5E5147d3aa10ea15e1d6d7913667d1c2613c28935e%7Ctwcon%5Es1_&ref_url=https%3A%2F%2Fwww.kurir.rs%2Fplaneta%2F4085102%2Fpetorica-rusa-mesecima-zive-na-aerodromu-u-seulu-pobegli-od-mobilizacije-odbijen-im-zahtev-za-azil-sad-im-preti-deportacija

Како што вели тој, одлучил да поднесе барање за азил во Кореја затоа што го привлекувала земјата, за која верува дека има развиена демократија и граѓански права.

Сепак, се покажуваа дека корејското Министерство за правда не го смета избегнувањето воен рок за валидна причина за добивање статус на бегалец.

Сега петтемина Руси кои избегале од мобилизацијата живеат во зоната на поаѓање на аеродромот Инчеон. Ним им се одбиени барањата за азил и не можат легално да го напуштат корејскиот аеродром. Надлежните им обезбедуваат храна.

Луѓето ја обжалиле одлуката до корејското Министерство за правда, а доколку судот не застане на нивна страна, тие најверојатно тие ќе бидат депортирани во Русија.

The post Петмина Руси со месеци живеат на аеродромот во Сеул: Избегале од мобилизација, барањето за азил им е одбиено, а сега им се заканува депортација appeared first on Република.