ВМРО-ДПМНЕ излезе со реакција за дешната средба помеѓу Заев, Ковачевски и Ахмети.

Отаму прашувааt дали на ручекот се зборувало за исполнетите бенчмаркови при киднапирањето на државата од ДУИ и СДС, за сложената европска операција за делење на шамари при контрола на летови во М-НАВ што според оваа европска тројка би било опишано како за европско тепање, за корупциските скандали со европско знаменце во РЕК, за бизнисите на ЕВРОВИА, за милионите за Бехтел и Енка, за европската марихуана на струмичкото поле, за европскиот азил на Ден Дончев со полно туце пари, за непостоечките инвестиции, за пасошите за криминалци, за европските редици за вадење на лични документи за граѓаните и редица други “успеси“.

https://republika.mk/vesti/makedonija/sdsm-potvrduva-deka-zaev-kovachevski-i-ahmeti-ruchale-chetiri-chasa/

Не се сомневаме дека биле разменети искуства од казината, лотариите, стекнувањето на Соравија, европските практики на Кацарска во судството, на Филипче во здравството, во енергетиката, модуларната болница, се во функција на европската интеграција. Колку повеќе ДУИ и СДС ја силуваат државата, толку погласно зборуваат за Европа.

The post ВМРО-ДПМНЕ за ручекот на Заев, Ковачевски и Ахмети: Дали зборуваа за шамарите во М-НАВ, за европската марихуана или за непостоечките инвестиции? appeared first on Република.

Не, сме немале никаква средба. И не постои нешто како јавна најава за тајна средба како што кажуваше самиот премиер. И сметам дека нема потреба да се среќаваме на никакви тајни средби. Не знам за Ковачевски, но јас со него немам ништо тајно за споделување, изјави претседателот на ВМРО-ДПМНЕ во интервју за Прес24.

– Јас го разбирам него. Сака да имаме средба, потоа тој кај него во партија да им раскажува работи кои не се случиле, да им создава лажна надеж и на тој начин да создава привид за некакво единство, за да ја додржи партијата во која има евидентно незадоволство по повеќе основи. Тоа се нивни работи, но јас знам дека кога и да имаме средба за тоа ќе биде известена јавноста, потенцираше Мицкоски.

Во однос на техничката влада Мицкоски истакна дека разликата е што речиси десетгодишниот министер за внатрешни рааботи Спасовски ќе биде заменет на заменичкото место со неговата десна рака, неговиот шеф на кабинет.

– Ако станува збор за неговите перформанси, сметам дека тука крушата нема подалеку да падне од дрвото и ќе имаме работа со истите луѓе кои споделуваат исти вредности и погледи. Досега Македонија немала толку ужасно лоша влада која донесе живот кој никогаш не бил полош, рече тој.

Мицкоски во интервјуто додаде дека целосниот состав на техничката влада ќе се знае по Водици.

После Водици ќе имаме целосна слика за претстојниот состав. Не се брзаме на тој план. ВМРО-ДПМНЕ има голем број на кадри кои можат да одговорат на позициите кои се бараат. Што се однесува до перформансите на техничката влада, сметам дека тие влади досега се покажаа како слаби исполнети со конфликти и бројни кочења. Погледнете, дали се памети некоја прогресивна политика спроведена во тој период, одговорот е не. Она што се памети се препирки. Кочења. Поништени одлуки. И затоа тоа е загубено време за државата. Затоа и предлагав да се укине техничката влада. Сметам дека целите перформанси и вистинската енергија на промените ќе се покаже по смена на власта и формирањето на легитимна и стабилна влада, изјави Мицкоски.

The post Mицкоски не прифаќа тајни средби со Ковачевски appeared first on Република.

Не сум имал тајна средба. Не се дел од мојот карактер тајните средби. Доколку сака господинот Ковачевски да разговараме за техничката влада или за некои други политички процеси коишто следат стојам на располагање, само терминот да го усогласиме, вака претседателот на ВМРО-ДПМНЕ, Христијан Мицкоски за време на денешната прес-конференција одговори на новинарско прашање за тоа дали веќе имал тајна средба со Димитар Ковачевски во врска со техничката влада.

Тој додаде дека не гледа зошто таквата средба би се одржала далеку од очите на јавноста и дека на народот му е преку глава од таквите тајни средби.

„Знаете дека јас одамна барам таква средба. Најпрвин бев одбиван, па се правеа политички гимнастики на политичката сцена за да конечно на крај се случат тие средби, тие состаноци лидерски, да се дефинираат изборите и слично. Не гледам зашто тоа би било далеку од лицето на јавноста и ценам дека јавноста треба да биде запознаена. Мислам дека на народот му е преку глава од такви тајни средби, преговори и договарања“, потенцираше Мицкоски и додаде:

„Еве стојам на располагање доколку се усогласат термините да имаме една таква средба на којашто би разговарале за иднината на Македонија“

https://republika.mk/vesti/makedonija/mitskoski-najavi-novi-proekti-izgradba-na-gradinki-lokalni-patishta-uchilishta-ambulanti-sportski-sali-vo-15-opshtini/

Запрашан за пополнувањето на празното место на ДИК, Мицкоски истакна дека очекува таа точка што побрзо да се стави на дневен ред во Парламентот и да се избере претставник кој е номиниран од албанската опозиција.

„Во неколку наврати пратениците на ВМРО-ДПМНЕ бараат да се стави точката на дневен ред во минатото, но за жал мнозинството одбиваше. Се надевам дека ќе се вразуми и нема да остави дамка на процесот кој што следи, бидејќи е многу значаен овој процес и овие избори. Така што ценам дека во периодов што следи треба час поскоро да биде таа точка дел од дневниот ред, да се избере претставник во ДИК кој што е номиниран од страна на албанската опозиција. Јасно се знае која е таа условно кажана опозиција во Македонија и кои се тие опозициски партии во Парламентот итн. Тие треба да си дадат свој човек и да кажат позади кој човек од тие кои што се кандидати стојат и да го изгласаме, бидејќи има 80 пратеници во Парламентот, да го изгласаме, да се комплетира ДИК, да има 7 члена и да се носат одлуки. Тоа не е волја на Христијан или на некој друг, туку тоа е едноставно законска обврска“, нагласи Мицкоски.

The post Мицкоски: Не сум имал тајна средба со Ковачевски, тајните средби не се дел од мојот карактер appeared first on Република.

Лидерите на парламентарните политички партии на средба во Собранието се договорија првиот круг на претседателските избори да се одржи на 24 април, а вториот круг од претседателските избори и парламентарните избори да бидат на 8 мај. Според пропишаните рокови изборите би се распишале најдоцна на 28 февруари, а техничката Влада би требало да се формира до 28 јануари.

Имајќи предвид дека вториот круг од претседателските избори и парламентарните избори би се случиле на 8 мај, согласно уставните и законските рокови, инаугурацијата на Претседателот на државата може да се одржи на 12 мај, а конститутивната седница на Собранието 20 дена подоцна односно до 28 мај. Новата влада би требало да биде избрана до крајот на јуни 2024 година.

На вчерашната лидерска средба е постигнат и широк консензус за забелешките за Изборниот законик согласно препораките на ОБСЕ/ОДИХР.

Исто така, тема на разговор бил и статусот со процесот на скрининг за кој, како што потенцирал Ковачевски, се одвива успешно и според утврдената динамика.

-Уставните измени се единствениот предуслов за да се продолжи напред, а секое одлагање е неодговорна и опасна политичка одлука, изјави вчера по средбата премиерот и лидер на СДСМ Димитар Ковачевски.

Според премиерот, секое одлагање и ставање во неизвесност на преговорите и на нашето полноправно членство е исклучително неодговорна и опасна политичка одлука.

-Овој став го споделив на лидерскиот состанок со напомена дека уставните измени ќе останат да бидат обврска и за овој парламентарен состав и за секој нареден и секоја теза дека има некоја друга алтернатива за нашето членство во ЕУ е погрешна. Сега е време да се постапи правилно и да се донесат уставните измени, изјави Ковачевски.

Ковачевски на средбата информирал дека Извршниот комитет на СДСМ донел одлука за формирање Европски фронт и за започнување на постапка за избор на кандидат за претседател, согласно Статутот и согласно соодветните правилници во партијата

Лидерот на ВМРО-ДПМНЕ Христијан Мицкоски потврди дека на лидерската средба е постигнат широк консензус за датумот за изборите, како и за Изборниот законик согласно забелешките на ОБСЕ/ОДИХР. Во однос на уставните измени, тој е дециден дека сега нема услови за тоа од познати причини кажани во јавноста многу пати досега.

-За измени на Изборниот законик согласно препораките на ОБСЕ/ОДИХР постигнавме согласност и тие ќе влезат во собраниска процедура што значи дека тој ќе се менува иако не е испочитувано правилото шест месеци пред почеток на кампња за изборен процес да нема измени, имајќи ја предвид согласноста првиот круг од претседателските избори да се случи на 24 парил, а вториот круг претседателски избори и парламентарните избори да бидат на 8 мај, што е донесено како заклучок. Кампањата би започлнала на 4 април, тоа значи сепак дека не го испочитувавме правилото да немаме интервенции пред почеток на кампања. Се надевам дека во иднина тоа нема да биде случај, изјави вчера по средбата Мицкоски.

The post Ситно брои: Ковачевски си заминува на 28 јануари appeared first on Република.

Лидерот на ВМРО-ДПМНЕ Христијан Мицкоски денеска изјави дека на лидерската средба е постигнат широк консензус за датумот за следните претседателски и парламентарни избори следната година на 24 април и 8 мај, како и за Изборниот законик согласно забелешките на ОБСЕ/ОДИХР. Во однос на уставните измени, Мицкоски кажа дека ставот на ВМРО-ДПМНЕ и на коалицијата е дека сега за тоа услови сега нема од познати причини кажани во јавноста многу пати досега.

https://republika.mk/vesti/makedonija/mitskoski-postignavme-soglasnost-po-tri-tochki/

-За измени на Изборниот законик согласно препораките на ОБСЕ/ОДИХР постигнавме согласнот и тие ќе влезат во собраниска процедура што значи дека тој ќе се менува иако не е испочитувано правилото шест месеци пред почеток на кампња за изборен процес да нема измени, имајќи ја предвид согласноста првиот круг од претседателските избори да се случи на 24 парил, а вториот круг претседателски избори и парламентарните избори да бидат на 8 мај, што е донесено како заклучок. Кампањата би започлнала на 4 април, тоа значи сепак дека не го испочитувавме правилото да немаме интервенции пред почеток на кампања. Се надевам дека во иднина тоа нема да биде случај, рече Мицкоски.

Лидерот на ВМРО-ДПМНЕ апелираше до македонската јавност и до граѓаните, посочувајќи дека претстои сложен период, период на кампања, кога ќе се формираат коалиции и оти следните избори се избори во кои сакаме да одлучиме во каква Македонија и во какво општество сите ние сакаме да живееме.

-Од едната страна ќе имаме понуда која што ќе биде претставена од актуелната владина коалиција, а од другата страна ќе имаме понуда што ќе ја понуди актуеланата опозиција што ќе ја предводи ВМРО ДПМНЕ. Немаме можност за исправка за тоа што ќе го направиме најпрво на 24 април, а потоа на 8 мај. Ги повикувам граѓаните да застанат позади понудата која што ќе ја трансформира Македонија онаква каква што сакаме да ја видиме, рече Мицкоски.

За прашањето за техничка влада лидерот на опозоцијата кажа дека било отворено, бо дека не постои консензус посебно од владините коалициски партнери да биде избришана техничката Влада. Во однос на ова прашање, како ќе настапува ВМРО-ДПМНЕ, Мицкоски рече дека ќе имаат седница на највисоките органи на партијата и дека ќе донесат одлука.

The post Mицкоски: Ги повикувам граѓаните да застанат позади понудата која што ќе ја трансформира Македонија онаква каква што сакаме да ја видиме appeared first on Република.

За уставните измени нашиот став е дека нема услови во овој момент. За измените на Изборниот законик постигнавме согласност и тој ќе се менува иако не се испочитувани препораките на ОБСЕ и ОДИХР тој да не се менува шест месеци пред избори, истакна Христијан Мицкоски по лидерската средба.

За третата точка се согласимве претседателките избори прв круг да бидат на 24 април а вториот круг на осми мај заедно со парламентарните избори-истакна лидерот на ВМРО-ДПМНЕ.

The post Mицкоски: Постигнавме согласност по три точки appeared first on Република.

Заврши лидерската средба за одржување на изборите напролет. Партиите од власта и опозицијата договорија изборите да се одржат на крајот на април или почетокот на мај

Задолен сум што конечно ќе имаме редовни парманентарни избори од 2006 година.Мораме да внимаваме и на верските празници.Предложив првиот круг на претседателските избори да се одржи на 24 април а вториот круг на 8 мај заедно со парламентарните избори.Техничката влада ќе се формира на 28 јануари.

Премиерот Ковачевски истакна дека уставните измени остануваат обврска на следниот парламентарен состав.

The post Падна договор: Двојни избори на 8 мај appeared first on Република.

Албанската опозиција ја напушти на чело со Џафери, Гаши и Касами ја напуштија  лидерската средба откако претходно и претседателот на Собранието Талат Џафери ја напушти.

Со напуштањето на состанокот од страна на претседателот на Собранието станало невозможно да се разговатаза именување на член во Државната изборна комисија.

 Изерт Меџити откри зошто ја напуштиле лидерската средба

 Албанската опозиција ја напушти лидерската средба, откако неа ја напушти и Талат Џафери, токму кога елабориравме за членот во ДИК што треба да го заземе за опозиција, па немаше со кого да дебатираме.Бараме предвремени избори да се одржат на 4 и 28 април, а заедно со вториот круг на 28 април да се одржат и претседателските избори.Сметаме дека техничка влада треба да има, но овојпат министрите треба да припаднат на албанската опозиција за еднаш засекогаш да се отстрани дел од режимот и да има фер и демократски избори-образложи Меџити.

The post Албанската опозиција ја напушти лидерската, претходно излегол и Џафери appeared first on Република.

Лидерот на политичката партија Алијанса за Албанците, Арбен Таравари потврди дека ќе учествува на лидерската средба која е закажана за денеска. На прашање на МИА кои ставови и барања ќе ги изнесе, тој го посочи и терминот на одржување на претстојните избори кој е прифатлив за нив.

- За АА прифатливи термини на одржување на изборите се крајот на април или почетокот на мај да се одржат парламентарните избори и вториот круг од претседателските избори. На оваа средба очекувам тоа да го синхронизираме, рече Арбен Таравари по настан поврзан со денот на лицата со посебни потреби и посочи дека по тоа ќе замине за Скопје на средбата.

Околу прашањето за укинување на техничката влада, според него, сега не е моментот за тоа, бидејќи, како што рече за такво нешто и како тема требало да се разговара пред една година, а не сега пред избори.

Таравари, уште еднаш потврди дека на претстојните избори, се планира неговата партија да настапи самостојно и со свои кандидати, но како што нагласи, конечната одлука треба да ја донесе Централното собрание, деновиве.

The post Таравари: За АА прифатливи термини се крајот на април или почетокот на мај да се одржат парламентарните избори и вториот круг од претседателските избори appeared first on Република.

Денеска е тежок ден за Македонија и не можам да ја изразам болката за убиството за Вања, рече денеска пред Собранието претседателот на ВМРО-ДПМНЕ Христијан Мицкоски, пред почетокот на закажаната лидерска средба на кои треба да се разговара за престојните претседателски и парламентарни избори.

За лидерската немаме други позциции и очекувам уште една гимнастика на страна на власта. Ние ова го баравме и повторно дојдовме до ова. Јас не се шегувам со нашите позиции и уставни измени додека не видиме јасни позиции за хегемонистичките позиции. Предмет на оваа средба се датуми на изборите. Одлука на СДСМ и ДУИ е да одат заедно на избори и им посакувам долги години во опозиција, рече Мицкоски

The post Мицкоски: На лидерската ќе се разговара само за датумот за избори appeared first on Република.

Скендер Реџепи пратеникот кој ја напушти партијата Алтернатива, и формираше политичка партија, подрржува укунување на техничката влада под усллов да се изгласаат и уставните измени.

Не очекувам некој драстична промена или одлука од денешниот состанок од причина што има дијаметрално-спротивни ставови и околу изборите и околу изборниот законик, истакна пратеникот и претседател на партијата „Народно движење“.

Тој додаде дека барањето евентуално на ВМРО-ДПМНЕ за да биде отстранета техничката влада би го поддржал бездруго, под услов првенствено сите денеска да одлучат за Уставни промени, со тоа што ќе одиме на нови избори со уставни промени за една европска Македонија.

„Верувам дека согласноста ќе биде околу мај, но она што за мене е најважно е да успееме да вметнеме евроинтеграциски договор и одлука за Уставни промени, што не верувам дека има таква спремност“.

ПVерува дека согласноста ќе биде изборите да се одржат околу мај.

-Меѓутоа, она што за мене е најбитно е да успееме да вметнеме евро-интеграциски договор и евентуална одлука за уставни промени, што не верувам дека има таква спремност оти изборите на одредени партии им се побитни отколку иднината на граѓаните, рече Скендер Реџепи-Зејд.

The post Реџепи поддржува укинување на техничката влада под услов да се изгласаат и уставните измени appeared first on Република.

Денеска, 4.12.2023 година (понеделник), со почеток во 12:00 часот, на покана на претседателот на Владата на Република Македонија, Димитар Ковачевски, ќе се одржи лидерска средба на претседателите на парламентарните партии, соопшти владината прес служба.

Лидерската средба ќе се одржи во Кристалната сала, во Собранието на Република Македонија.

Снимателите и фотографите ќе имаат можност да направат фотографии и видео инсерти на почеток на средбата. По завршувањето на средбата е предвидена изјава за медиумите на премиерот Димитар Ковачевски, која исто така ќе се одржи во Кристалната сала во Собранието.

The post Лидерската средба ќе се одржи денеска напладне во Кристалната сала во Собранието appeared first on Република.

Денеска ќе се одржи долго очекуваната лидерска средба на која се очекува да се одреди датумот на одржувањето на парламентарните и претседателските избори. Сепак, оваа средба е во сенка со смртта на малата Вања.

Според најавите од главните партии од власта и опозицијата, има расположение за спојување на изборите. Како единствен можен датум е 8 мај.

На тој датум би се одржале вонредните парламентарните избори и вториот круг на претседателските избори. Првиот круг од изборот на шеф на државата ќе се одржат две недели порано.

Ако ова се договори техничката влада ќе се формира кон крајот на јануари. Засега нема распложение за укинување на оваа т.н. Пржинска влада за што бара ВМРО-ДПМНЕ. Според усниот договор меѓу Заев и Ахмети 100 дена пред изборите премиерот треба да биде Албанец.

The post Лидерска во сенка на трагедијата со Вања: Власта и опозицијата ќе договорат двојни избори во мај appeared first on Република.

Премиерот Димитар Ковачевски утре напладне во Собранието на Република Македонија ќе одржи лидерска средба со претседателите на парламентарните политички партии.

Средбата, како што е најавено, ќе се одржи во Кристалната сала на Собранието во 12 часот.

Евроинтеграциите останува нејасно дали ќе бидат тема на лидерската средба. Премиерот Димитар Ковачевски во најавата дека ќе свика лидерска средба ги посочи како една од темите на кои ќе се разговара, но тие не се најдоа на агендата што опозициската ВМРО-ДПМНЕ ја објави како прифатлива за одржување на лидерска средба.

Евроинтеграцијата, редовните претседателски и парламентарни избори, како и измените на Изборниот законик согласно препораките на ОБСЕ/ОДИХР, ги посочи премиерот Димитар Ковачевски, како теми на лидерска средба.

Од ВМРО-ДПМНЕ, потоа излегоа со став дека е прифатлива лидерска средба, но на која би се разговарало за конечно прецизирање на датум за избори, прифаќање на забелешките на ОБСЕ/ОДИХР, како и понудата за укинување на техничка влада, во замена за тоа да нема технички премиер од ДУИ.

Премиерот Димитар Ковачевски, вчера рече дека успешна лидерска средба значи дека политичките партии ќе седнат на маса и нема да постои уценување од една политичка партија кон друга.

Очекувам конструктивна лидерска средба во која ќе учествуваат сите политички партии застапени во Парламентот, бидејќи тоа е начинот на кој функционира едно демократско општество, каде што сите кои учествуваат во еден натпревар треба да имаат збор во начинот на кој се организира натпреварот, изјави вчера Ковачевски во одговор на новинарско прашање по посета на фабриката „АТС АММО“ во Македонски брод.

Финалниот збор за датумот на одржување на парламентарните и претседателските избори, како што рече Ковачевски, треба да го кажат партиите, но според календарот најголема можност за такво нешто е во месецот мај, потсетувајќи дека следната година ќе бидат први редовни парламентарни избори во нашата држава по 2006 година.

The post Датумот на изборите една од темите на утрешната лидерска средба во Собранието appeared first on Република.

Премиерот Ковачевски закажува лидерска средба за понеделник поврзана со изборите. Ваквата информација ВМРО-ДПМНЕ ја добиле од медиумите.

https://republika.mk/vesti/makedonija/datumot-za-izbori-ke-se-dogovara-v-ponedelnik-na-liderska-sredba/

Извори од партијата велат дека таквата комуникација преку медиуми за вака важни прашања е избор на Ковачевски.

Лидерска средба е секако прифатлива за во понеделник, на која очекуваме да се разговара конечно за прецизирање на датум за избори, прифаќање на забелешките на ОБСЕ ОДХР, како и понудата за укинување на техничка влада, во замена за тоа да нема технички оремиер од ДУИ. Воедно бидејќи се одлучи за комуникација преку медиуми, замолуваме средбата да биде после 11 часот во понеделник бидејќи претседателот на ВМРО ДПМНЕ има часови со студенти на Машинскиот факултет каде работи како редовен професор, велат од партијата.

The post Ковачевски закажува лидерска, ВМРО-ДПМНЕ ги информира преку медиуми appeared first on Република.

Евроинтеграцијата, редовните претседателски и парламентарни избори, како и измените на Изборниот законик согласно препораките на ОБСЕ/ОДИХР, ќе бидат темите на лидерската средба која премиерот Димитар Ковачевски ќе ја закаже за понеделник (4 декември).

Ковачевски синоќа на заедничката прес-конференција со потпретседателот на ЕК и висок претставник на ЕУ за надворешна политика и безбедност Жозеп Борел кажа дека денеска ќе упати покана за средба до сите претседатели на парламентарните политички партии, како и до претседателот на Собранието.

-Членството во ЕУ е нашата цел и ние немаме друга алтернатива. Дали ќе бидеме таму набрзо зависи само од нас, и тоа зависи од сите нас, односно од сите политички партии и политички чинители во оваа земја кои имаат одговорност пред народот да испорачаат резултати на патот кон ЕУ, без изговори, рече Ковачевски.

The post Датумот за избори ќе се договара в понеделник на лидерска средба appeared first on Република.

Во Собранието ќе се одржи лидерската средба на која треба да се разговара за датумот за одржување на претседателските и парламентарните избори 2024 година и ќе биде на лидерско ниво во формат како што беше и минатата лидерска средба на парламентарните партии, изјави денеска премиерот Димитар Ковачевски без да прецизира кога ќе се одржи средбата.

-Изборите ќе бидат во редовен термин и претседателските и парламентарните избори, а кога точно ќе се одржат зависи од роковите и затоа јас кажав дека мај нуди можност за одржување и на претседателски и на парламентарни избори. Тоа го потвдрија и низа други претседатели на партии и претседателот на Собранието, кој се грижи за роковите и затоа кога ќе заврши таа средба согласно со ставовите на сите политички партии, затоа што таа одлука се носи со широк политички консензус таа одлука ќе може да биде и соопштена, рече Ковачевски.

Премиерот Ковачевски кажа дека нема расположение кај сите политички партии за укинување на техничката влада со оглед на краткиот рок до изборите.

-Според она што СДСМ и ДУИ го имаат како коалициски договор од 2020 година, што е потврден со формирањето на Владата, премиер треба да биде од редовите на албанската етничка заедница што исто така согласно е со нашиот Устав и нашите закони, кои ќе бидат кадровските решенија тоа е сега прерано да се зборува, рече Ковачевски.

Одговарајќи на прашање за тоа дали технички премиер би можел да биде Фатмир Битиќи, Ковачевски рече дека тој има исклучително високо мислење за него, но дека сепак, зборува за коалициски договор.

Запрашан за заеднички кандидат за претседател и заеднички листи за пратеници, премиерот Ковачевски рече дека се потврдило дека во нашата земја има партии што се залагаат за влез во ЕУ и за интеграција на државата во НАТО и на другата страна, како што кажа, „сега веќе и официјално имаме друг блок на политички партии ВМРО-ДПМНЕ и Левица кои се против зачленувањето на земјата во Европската унија и против НАТО“.

-Лидерите на двете политички партии јавно кажаа дека немаат против заедничко коалицирање. Граѓаните ќе имаат многу лесен избор за проевропски блок и за европска иднина на државата или ќе бидат за некое алтернативно решение кое не е ниту понудено, рече Ковачевски.

Политичките партии, како што кажа, верува дека ќе се водат од истите принципи. Како ќе изгледаат листите тоа на крај зависи од одлуките на политичките партии меѓутоа СДСМ ќе има широка коалиција која се покажала дека може да ги води успешно процесите и на во државата и на меѓународен план, рече Ковачевски.

Во однос на пополнувањето на испразнетото место во Државната изборна комисија, Ковачевски смета дека партиите ќе постигнат договор и дека тоа ќе биде завршено во периодот кој што следи пред нас а до распишување на изборите.

Во однос на уставните измени, Ковачевски рече дека тоа се едни од обврските кои ние ги имаме.

-ЕУ ги исполни своите обврски, рече Ковачевски посочувајќи на идентитетските прашања.

Верува, потенцира тој, дека Македонија има прогресивен капацитет да го направи следниот чекор кон отворање на кластерите и поглавјата и нормално да ги прави и наредните чекори кон полноправно членство. Да не заборавиме дека ќе има уште закони за кои што ќе биде потребно двотретинско мнозинство.

The post Кога на избори?! Одговорот ќе се знае по лидерската средба appeared first on Република.

Терминот на одржување на редовните претседателски избори, како и за редовните парламентарните избори треба да бидат предмет на дискусија меѓу сите партии, смета премиерот Димитар Ковачевски кој денеска не сакаше да ја коментира вчерашната изјава на лидерот на ВМРО-ДПМНЕ, Христијан Мицкоски дека изборите треба да се одржат на 8 мај догодина.

„За датумот на изборите тоа веќе е предмет на дискусија помеѓу сите политички парти, не помеѓу две политички партии. Секогаш Изборниот законик во државата и оддржувањето на изборите се прави согласно со Закон, согласно со Устав, согласно со мандати. Оваа година имаме карактеристични избори бидејќи имаме и претседателски и парламентарни избори“,.

ВМРО-ДПМНЕ  и Мицкоски бараат одржувањето на претседателските и парламентарните избори да биде во ист ден, а вчера лидерот на партијата го посочи 8 мај. Според него единствената недела каде што можат да се поклопат вториот круг претседателски и парламентарните избори е 5 мај, а бидејќи тогаш е Велигден, предлогот е тие да бидат три дена подоцна.

The post Koвачевски не се изјасни за предлогот на Мицкоски за двојни избори на 8 мај appeared first on Република.

Власта и опозицијата остануваат на своите ставови околу можноста за одржување на лидерска средба. ВМРО-ДПМНЕ инсистира на ваква средба бидејќи според оваа партија земјата се наоѓа пред два клучни изборни процеси и доколку не се разговара за тоа, можна е уставна криза, додека од СДСМ сметаат дека нема основа за одржување на ваква средба на која би се договарало нешто надвор од законските процедури.

Премиерот Димитар Ковачевски вчера во изјава за медиумите рече дека не може да се прават лидерски средби на коишто ќе се разговара за решенија што не се усогласени со ниту еден закон. Нагласи дека останува отворена понудата дадена на последната лидерска средба.

Ние не можеме да супституираме институции, значи да укинуваме Парламент, да укинуваме политички партии и да правиме лидерски средби на коишто ќе се разговара за решенија што не се усогласени со ниту еден закон. Но со оглед на тоа дека имавме лидерска средба на која што како претседател на СДСМ му понудив на претседателот на ВМРО-ДПМНЕ, решение - во понеделник да ги изгласаме уставните измени, истиот ден да го распуштиме Собранието и да одиме на избори. Или доколку сакаат да ги отвориме уставните измени, да влезат во Владата на паритетна основа односно 50 проценти од министерствата, да ги затвориме процесите на скринингот и на уставните измени, да ги отвориме поглавјата, да затвориме заедно едно или две поглавја, во што сум убеден дека можеме да го направиме до февруари, и потоа да одиме на претседателски и на парламентарни избори. Тоа се опциите што стојат на маса, рече Ковачевски.

Според Ковачевски, претседателските и парламентарните избори ќе се одржат во законскиот термин, односно согласно законските рокови, земјава на 12 мај следната година треба да има нов претседател, а на 15 јули нов парламентарен состав.

Од друга страна, според лидерот на опозицијата Христијан Мицкоски, кој иницира ваква средба, неопходно е таа да се одржи бидејќи државата се наоѓа пред два значајни изборни процеси следната година. Тој вчера во изјава за медиумите рече дека ваква средба може да свика и претседателот на Собранието Талат Џафери.

Ценам дека на неколку месеци пред избори добро е да се седне на лидерска средба каде што ќе има претставници од Владата, претставници од опозицијата. Нека биде организатор Талат Џафери, нека биде во Парламентот. И таму ќе дојдам да разговараме за можните датуми за избори бидејќи, во меѓувреме, треба сите да сме свесни дека имаме два големи верски празници како што се Рамазан и Велигден, така што мора да го подготвиме амбиентот за да имаме фер изборен процес, изјави  Мицккоски

The post Различни ставови на власта и опозицијата околу лидерската средба appeared first on Република.

Ние за неколку месеци од денеска ќе имаме исклучително два значајни изборни процеси. Едниот се претседателските избори, прв и втор круг, а вториот се парламентарните избори. Мислам дека на неколку месеци пред тие изборни циклуси да нема никаква активност е навистина неодговорно и тоа за првпат можеби се случува на македонската политичка сцена и затоа јас излегов со предлог идеа за лидерска средба. Ги слушнав одговорите од официјалните лица, од Артан Груби и Димитар Ковачевски за тоа што мислат тие за тоа, но еве да бидам попрецизен, кога зборувам за лидерска средба мислам на лидерска средба во формат во кој што ние ќе разговараме за дати за избори бидејќи можеме да влеземе во уставна криза и потоа процесите да бидат уставно предизвикани, а да бидам попрецизен да бидат и неуставни, вака претседателот на ВМРО-ДПМНЕ Христијан Мицкоски при денешната посета на Велес во рамките на кампањата ,,Важно е! Од тебе зависат промените” одговори на новинарско прашање за тоа на каков формат мисли кога бара лидерска средба на тема избори.

Мицкоски исто така додаде дека, бидејќи луѓето од власта често ги спомнуваат институциите една ваква лидерска средба може да биде организирана и од претседателот на Собранието, Талат Џафери.

Затоа ценам дека на неколку месеци пред избори добро е да се седне на една лидерска средба каде што ќе има претставници од владата, претставници од опозицијата. Еве бидејќи ги спомнуваат институциите ќе им дадам еден предлог. Нека биде организатор Талат Џафери, нека биде тоа и во Парламентот, и таму ќе дојдам да разговараме за можните дати за избори бидејќи во меѓувреме треба и сите ние да сме свесни дека два големи верски празници како што е рамазан и Велигден, а на тие празници им претходат и постови, така што мора да го подготвиме амбиентот за да имаме навистина еден фер изборен процес“, потенцираше Мицккоски и додаде:

„Јас очекувам разум, очекувам одговорност барем еднашка и стојам на располагање и ние како коалиција на ВМРО-ДПМНЕ стоиме на располагање за една таква средба“.

The post Мицкоски: Зрело е да се седне на лидерска средба за датум за избори appeared first on Република.