Компанијата „Мета“, сопственичка на „Фејсбук“ и „Инстаграм“, одлучи да ја врати технологијата за препознавање лица во своите апликации, откако пред три години „го исклучи“ овој систем поради негативната реакција на јавноста на „Фејсбук“.

Новиот потег е „со цел да борба против измамите“ и „помош за корисниците кои го изгубиле пристапот до нивните профили“, се вели во соопштението. Така, првичниот тест ќе користи препознавање лица за откривање лажни објави и реклами со лице на позната и јавна личност.

Ако нашиот систем открие дека нешто би можело да биде измама со ликот на јавна личност, ќе ја користиме технологијата за препознавање лице заради совпаѓање на лицето во рекламата со профилните фотографии на таа јавна личност на 'Фејсбук' и 'Инстаграм'. Ако се најде потребното совпаѓање, а огласот е измама, ќе ја блокираме објавата, соопшти „Мета“.

Компанијата веќе ја овозможи функцијата за мал број познати и јавни личности, а наредниве недели ќе почне автоматски да додава повеќе лица кон тоа. Сепак, како поединец, корисникот ќе има можност да ја исклучи таа заштита од социјалната мрежа.

Ова е процес во реално време - побрз и попрецизен од рачниот преглед, рече Моника Бикерт, потпретседателка за политика за содржина во „Мета“.

Од „Мета“ соопштуваат и оти „веднаш ќе ги бришат податоците собрани со препознавање на лице“, што ќе се користи само за споредба. Исто така, „скенирањата нема да се користат за други цели“, се вели, а и познатите личности, како и сите корисници, ќе можат да изберат дали сакаат или не заштита од лажни објави и реклами.

The post „Мета“ го враќа препознавањето лице на „Фејсбук“ и „Инстаграм“ appeared first on Република.

Многумина имаат напишано нешто за себе во описот на својот профил, цитат, емотикон… Сега корисниците можат да додадат песна во описот на својот профил на Инстаграм – слично на MySpace во 2000-тите. Корисниците можат да изберат 30 секунди песна за да ја додадат на својот профил.

Песната ќе биде означена на профилот додека корисникот не ја отстрани или замени. За разлика од MySpace, песните не се репродуцираат автоматски, но луѓето кои гледаат нечиј профил со песна можат сами да ја репродуцираат и паузираат песната.

Инстаграм неодамна додаде нешто ново во изгледот на апликацијата, како и некои нови опции за корисниците.

Изгледот на симболите за лајкови, коментари и споделувања под објавите е променет. Иконите за допаѓање, коментари и споделување изгледаат минималистички и благо се раздвоени. Исто така, текстот под објавите е малку задебелен.

Покрај промените во интерфејсот, корисниците можат (или наскоро ќе можат, во зависност од нивната локација) да уредуваат пораки во рок од 15 минути од нивното испраќање, да ги вклучат или исклучат сметките за читање и да ги означуваат разговорите за да помогнат во организирањето на нивните пораки. Исто така, воведена е нова опција за прикачување до три разговори на врвот на сандачето за полесен пристап.

Додадени се и „белешки“, односно Notes под објавите (малиот плус со минијатурната верзија на објавата која понекогаш се појавува под туѓи објави). Notes претходно се појавуваа на врвот на ДМ (порака) или над фотографијата на профилот. Покрај тоа, корисниците неодамна можат да објават до 20 фотографии во една објава или двојно повеќе од претходно.

The post Инстаграм воведе нова функцијa appeared first on Република.

Триесет и седумгодишен жител на Штип заработи кривична пријава поради основано сомневање дека на поранешната сопруга и упатувал закани преку социјалните мрежи.

-СВР Штип поднесе кривична пријава против Д.К.(37) од Штип поради постоење основи на сомнение за сторено кривично дело „загрозување на сигурноста“. Во периодот од 19.07. до 22.07.2024, пријавениот преку социјалната мрежа испраќал пораки со заканувачка содржина на неговата поранешна сопруга, наведуваат од МВР.

The post Штипјанец и се заканувал на поранешната сопруга на Фејсбук appeared first on Република.

Турција го блокираше пристапот до платформата Инстаграм, објави регулаторот за инфотехнологија, без да ја прецизира причината или времетраењето на забраната, поради што и мобилната апликација на платформата остана недостапна.

Овој потег уследи по коментарите на турскиот службеник за комуникации Фахретин Алтун во средата, кој ја критикуваше платформата за, како што ја нарече, нејзината одлука да блокира пораки со сочувство за убиството на Исмаил Ханије, клучен функционер на палестинската милитантна група Хамас.

„Ова е цензура, чиста и едноставна“, изјави Алтун, директор за комуникации на турското претседателство, додавајќи дека „Инстаграм“ не навел никакви прекршувања на правилата.

Матичната компанија на „Инстаграм“, „Мета платформс инц“, не ја коментираше забраната или забелешките на Алтун.

Турската управа за информатичка технологија и комуникации ја објави одлуката на својата веб-страница, наведувајќи дека „instagram.com е блокиран со одлука од 2 август 2024 година“, без дополнителни детали.

Инстаграм има повеќе од 50 милиони претплатници во Турција.

The post Турцијa го блокира „Инстаграм“ appeared first on Република.

Новиот државен врв е присутен на Фејсбук, Инстаграм и на Твитер. Дополнително, и претседателката на државата, претседателот на Собранието, како и претседателот на Владата имаат и свои Тик Ток кориснички сметки, додека, пак, премиерот и претседателот на Собранието имаат и свои профили на мрежата за професионална комуникација и поврзување, Линкедин. Понатаму, 21 од вкупно 24 членови на новиот владин кабинет се активни на најмалку еден социјален медиум, додека истовремено активни на трите канали - Фејсбук, Твитер и Инстаграм, се премиерот и уште десет министри во Владата, покажа анализата на Институтот за добро управување и евро-атлантски перспективи (ИДУЕП) направена по повод почетокот со работа на новоизбраните носители на извршната власт во земјава.

Во истражувањето стои дека тројца од министрите немаат присуство на ниту една од мрежите, а се забележуваат и кориснички сметки на социјалните мрежи кои се уште не се отворени за целата јавност.

-Во однос на официјалното дигитално присуство на јавните институции, досега во континуитет се бележеше значително поголемо присуство и посветување на корисничките сметки на јавните функционери споредено со оние на јавните институции. Исклучок од ова се веб страните, како и официјалните кориснички сметки на Собранието и Владата, како и веб страната на претседателот на државата. Ваквата состојба е неопходно да се промени, односно да се стави фокус на избор на професионални тимови за дигитални медиуми во институциите кои ќе креираат дигитален идентитет на секоја јавна институција со предимство на услугите и можностите за граѓаните, компаниите и организациите, а не првичен промотивен ПР за моменталниот јавен функционер/ка, стои во истражувањето.

Оттаму додаваат дека еден месец по изборот на новиот владин состав, речиси сите министерства имаат своја посебна веб страна, со исклучок на новоформираните кои или немаат сеуште креирано или користат некоја од постоечките веб страни. Во бројки во делот на социјалните мрежи, 18 од вкупно 20 министерства имаат свое дигитално присуство барем на еден социјален медиум, додека официјално Владата е активна со свое веб, како и присуство на сите анализирани социјални медиуми.

-Има многу простор за подобрување и унапредување на начинот на кој институциите и првите луѓе ги користат социјалните медиуми. Сведочиме и на нередовна активност, а некои и воопшто ги нема на овие канали за комуникација. Исто така, кога зборуваме за содржините кои треба да ги објавуваат, важно е да се фокусираат на спецификите на самите социјални мрежи. Потребни се повеќе кратки видеа, содржини кои ги интересираат граѓаните како корисници на услуги, младите... Исто така, кај дел од услугите кои се промовирани дека се достапни онлајн се забележува нецелосна таква можност за граѓаните. Тука, како позитивен пример кој би можел да се мултиплицира може да послужи Министерството за образование кое има посебен софтвер за е-услуга, вели Стефан Атанасовски Трајковиќ, младински активист во ИДУЕП, кој за потребите на Институтот ја подготви оваа анализа.

Бојан Кордалов, комуниколог и претседател на ИДУЕП Институтот, пак, наведува дека после повеќе од 15 години од активното користење, важно е политичарите да сфатат дека социјалните медиуми не постојат и не се користат само за забава и себепромоција, туку тие се важен сегмент во општествено политичката двонасочна комуникација.

-Надминуваме над 90 проценти од нашите граѓани кои се секојдневно активни на интернет и над две третини кои се активни на социјалните мрежи, а бројот на јавни услуги кои можат да се направат онлајн или од мобилен телефон сеуште се бројат речиси на прсти. И ова пропуштено време е неопходно брзо и квалитетно да се надомести, истакна Кордалов.

Дел од нивните препораки за подобрување во делот на употребата на дигиталните алатки и социјалните медиуми од страна на јавните институции и функционери се - преглед и објава на сите услуги што ги даваат јавните институции и креирање јавен план и динамика во кои рамки истите, покрај на хартија и шалтер, ќе бидат достапни онлајн за брз и квалитетен пристап и користење од страна на сите граѓани, компании и организации.

-Во овој дел е важно да се води грижа за сите возрасни, како и ранливи групи кои имаат или може да имаат потешкотии со пристап до дигитални содржини или, пак, со дигиталната писменост за што е потребно да се предвиди дополнителна поддршка од страна на институциите. Исто така, ова подразбира висок степен на сајбер безбедност и систем за целосна заштита на личните податоци на секоја индивидуа и правен субјект, наведуваат оттаму.

Дополнително, додаваат од Институтот, изработка на мобилна апликација или мобилни апликации за услуги од јавните институции со цел секоја заинтересирана личност да може на уште поедноставен начин да дојде до посакуваната јавна услуга, како и да се зголеми дигиталната писменост имајќи ја во предвид масовноста на користење на интернетот и т.н. паметни телефони.

-Евидентна е послабата присутност на институциите, па и на јавните функционери на Инстаграм, а особено на Твитер. Потсетуваме дека институциите платени од страна на граѓаните немаат избор дали и каде ќе бидат присутни, туку е неопходно да изградат применлива стратегија за професионална присутност на социјалните мрежи и другите актуелни дигитални платформи, заклучуваат ИДУЕП во своето истражување

The post Користат социјални мрежи: Mинистрите го фаќаат трендот appeared first on Република.

Компанијата „Мета“ започна со тестирање на функцијата наречена „Ad Break“(пауза за реклами). Станува збор за реклами кои нема да може да се прескокнуваат, со времетраење од три до пет секунди.

„Ad Breaks“ се нов начин за прикажување реклами на „Инстаграм“. Понекогаш ќе треба да гледате реклама пред да продолжите да ја гледате содржината, стои во описот на оваа функција објаснет од порталот Neowin.

Најавата предизвика критики на социјалните мрежи.

Наскоро (задолжителни реклами) доаѓаат на сите платформи. Ова ќе ми биде последната капка кога станува збор за Инстаграм. Можев да се справам со еден куп реклами расфрлани низ апликацијата, но задолжителни реклами?, пишуваат дел од корисниците.

Сè уште нема официјална потврда од компанијата кога (или дали) задолжителните реклами ќе бидат објавени на „Инстаграм“ во поголем обем.

The post И на „Инстаграм“ ќе има реклами кои не ќе можат да се прекинат appeared first on Република.

Корисниците во регионот и во светот повторно пријавуваат проблеми со популарните апликации „Инстаграм“ и „Ватсап“.

На „Ватсап“ е невозможно да се испраќаат пораки, додека на „Инстаграм“ е невозможно да се „освежи“ страницата и апликацијата не вчитува нови објави.

The post Повторно паднаа „Инстаграм“ и „Ватсап“ appeared first on Република.

Серверите на Фејсбук и Инстаграм паднаа во вторникот поради голем прекин на платформите на матичната компанија Мета, штом предизвика хаос ширум светот. Луѓето кои се обидуваа да се логираат на сајтовите и апликациите на двете социјални мрежи добија пораки за грешка и не можеа да ги освежат своите почетни страници како и обично.

Веб-страницата „Даундетектор“ (Downdetector) посочи на стотици илјади пријавени прекини на Фејсбук и Инстаграм.

Речиси 4 милијарди луѓе користат барем една од платформите на ИТ гигантот секој месец (Фејсбук, Инстаграм, Месинџер, Вацап).

По таквиот масовен крах на социјалните мрежи, голем број луѓе почнаа да шпекулираат колку пари изгубил Марк Цукерберг поради згаснувањето на популарните социјални мрежи од час и половина.

Ден Ајвс, директор на „Ведбуш секјутирис“ (Wedbush Securities), за Дејли мејл“ вели дека Цукерберг изгубил приближно 100 милиони долари приход. И цената на акциите на Мета паднаа за 1,5 отсто.

Компанијата најголемиот дел од приходите ги остварува преку реклами кои им се прикажуваат на корисниците, а со „техничките проблеми“ кои ги урнаа платформите, падна и заработката. Малку е веројатно дека Мета ќе открие колку прекинот се одразил на нејзините финансии, изјави Ајвс за „Дејли Меил“.

The post Се проценува над 100 милиони долари: Колку пари загуби Цукерберг по неодамнешниот колапс на Фејсбук? appeared first on Република.

Фејсбук успеа да ги врати своите услуги по повеќе од еден час прекин, што ги погоди сите главни платформи во системот Мета, вклучувајќи ги Instagram, WhatsApp и Threads.

Прекинот, кој започна попладнево, предизвика значителен прекин на корисниците ширум светот, оставајќи многумина без пристап до платформите за комуникација и споделување содржина.

Мета, компанијата зад овие платформи, брзо објави дека е свесна за проблемите што ги доживеале корисниците и дека работат напорно за да ги решат. Сепак, се уште не се познати деталите за причината за проблемот, што остава многу прашања неодговорени.

Иако Facebook успешно ја врати функционалноста на својата платформа, Instagram и Threads сè уште се соочуваат со технички тешкотии. Корисниците на овие услуги и понатаму се соочуваат со проблеми при пристапот и користењето на услугите, што укажува дека Мета сè уште бара решение.

Овој инцидент покренува важни прашања за доверливоста и стабилноста на онлајн платформите кои станаа клучен дел од секојдневниот живот на милиони луѓе ширум светот. Зависноста од социјалните мрежи и алатките за дигитална комуникација никогаш не била поголема, а прекините може да имаат далекусежни последици, не само за корисниците, туку и за многуте бизниси кои се потпираат на овие платформи за да ги промовираат и продаваат своите производи и услуги.

The post Фејсбук повторно достапен, има проблеми со Инстаграм appeared first on Република.

Паднаа друштвените мрежи. Сите корисници на фејсбук, месинџер, инстаграм повеќе половина час се исфрлени од систем. Тие не можат да влезат во своите профили. Не се работи за локален проблем. Корисници ширум светот се жалат дека се одјавени од нивните профили и не можат да се вратат.

Според официјалните податоци на downdetector.com, во моментов Мета и сите нејзини производи како што Фејсбук, Инстаграм и Ватсап, како и дел од сервисите на Гугл, се комплетно паднати.

Според првичните информации, се работи за поголем глобален проблем на којшто во моментов се работи. Според неофицијални извори и објави на Твитер, станува збор за хибриден напад предизвикан од географското подрачје на Азија.

The post Паднаа фејсбук и инстаграм appeared first on Република.

Компанијата „Мета“ ги отстранила профилите на Инстаграм и на Фејсбук на врховниот лидер на Иран, ајатолахот Али Хамнеи.

Хамнеи, кој често ги користи социјалните мрежи за да го пофали Хамас, е избришан од тие мрежи поради кршење на политиката на „Мета“ за опасни организации и поединци“, објавија од компанијата.

Профилот на Хамнеи на Икс (Твитер), каде што често поставува објави, се уште е активен.

The post Компанијата „Мета“ ги избришала профилите на Инстаграм и Фејсбук на врховниот лидер на Иран appeared first on Република.

Платформата Инстаграм испраќа автоматска порака до своите корисници на возраст од 13 до 18 години, апелирајќи ги да не ја користат социјалната мрежа во текот на ноќта, помеѓу 22 и 4 часот наутро, со цел да ги поттикне да прифатат поздрав начин на живот.

Спиењето е важно, особено за младите луѓе, па затоа објавуваме нови вечерни пораки што ќе се појавуваат кога тинејџерите ќе поминат повеќе од 10 минути на Инстаграм, кога гледаат Reels или директни пораки доцна навечер. Тоа ќе ги потсети тинејџерите дека тоа е доцна и охрабри ги да ја исклучат апликацијата“, наведуваат од компанијата Мета во соопштение објавено на нивната веб-страница.

Младите од 22 часот на својот профил ќе добијат порака „Доцна е. Размислете да го исклучите Инстаграм во текот на ноќта“ доколку користат одредени функции на социјалната мрежа.

The post Инстаграм предупредува малолетници да не ја користат таа платформа навечер appeared first on Република.

„Мета“ во наредните денови ќе ја укине функцијата која досега им овозможуваше на корисниците да се допишуваат со своите пријатели од социјалната мрежа Фејсбук на Инстаграм.

Компанијата ја воведе оваа можност во 2020 година, а сега ќе ја „исклучи“ интеграцијата меѓу платформите без причина. Оваа одлука би можела да биде потег за избегнување на регулаторните последици во Европската Унија.

Интеграцијата меѓу платформите беше најавена во 2019 година и „оживеа“ во 2020 година, со што се „бришеа границите“ меѓу двете најпопуларни услуги на компанијата „Мета“. Но, Месинџерот и Инстаграм сега повторно се разделуваат, што значи дека нема да може да започнете нов разговор или да се јавите со вашите пријатели на Фејсбук преку Инстаграм.

Оние кои имаат постоечки разговори со Фејсбук профили на Инстаграм ќе можат да ги задржат, но само во верзија само за читање.

Покрај тоа, корисниците на Фејсбук повеќе нема да можат да го видат статусот на вашата активност, како и извештајот за прочитана порака.

Конечно, сите постоечки разговори со Фејсбук профили нема да бидат преместени во сандачето на која било платформа.

The post „Мета“ ја укинува можноста за допишување со пријателите од Фејсбук на Инстаграм appeared first on Република.

Европската комисија денеска испрати официјално барање до компанијата Мета за дополнителни информации за мерките што ги презела за спречување на објавувањето материјали за сексуална злоупотреба на деца на социјалната мрежа Инстаграм.

Како што јави дописникот на МИА од Брисел, во писмото се бараат и информации за системот за препораки на Инстаграм за спречување на објавувањето на потенцијално штетни содржини.

Барањето до Мета е упатено согласно Законот за дигитални услуги, врз основа на кој, социјалните мрежи, онлајн пребарувачите и сајтовите за електронска трговија што добија статус на „големи онлајн платформи“ се должни да се усогласат со законските обврски за спречување на ширењето на нелегални и штетни содржини и за проценка на ризиците и преземање ефикасни мерки за заштитата на малолетниците.

Мета мора да ги достави бараните информации најдоцна до 22 декември 2023 година, по што врз основа на проценката на одговорите, Еврокомисијата ќе ги одреди следните чекори, кои можат да вклучат и отворање на формална постапка против компанијата согласно член 66 од Законот за дигитални услуги (ДСА).

Комисијата може да изрече казни за неточни, нецелосни или погрешно доставени информации како одговор на барањето, а во случај на недобивање одговор до крајниот рок може да одреди и парична казна.

Ова е трето барање на ЕК за дополнителни информации од страна на Мета, која е сопственик на социјалните мрежи Фејсбук и Инстаграм. На 19 октомври, Еврокомисијата побара информации од компанијата во врска со ширењето на терористичка и насилна содржина, говор на омраза и дезинформации, а на 10 ноември и за прашања поврзани со заштитата на малолетниците. Денешните барања за информации се однесува на прашања кои не се опфатени со претходниот допис поврзан со заштитата на малолетници.

Врз основа на ДСА, изминатиов период ЕК поднесе барање за дополнителни информации и до ТикТок, Икс, Снепчет, Јутујуб, Амазон и АлиЕкспрес, кои во август годинава добија статус на „големи онлајн платформи“.

The post ЕК бара информации од Инстаграм за мерките за спречување на објавувањето содржини со сексуална злоупотреба на деца appeared first on Република.

Компанијата „Мета“ објави дека од ноември ќе понуди платени претплати за Европејците за да можат да користат Фејсбук и Инстаграм без да им се појавуваат реклами, јавија француските медиуми.

Од американската компанија сметаат дека на тој начин социјалните мрежи ќе ги исполнат барањата на европското законодавство за лични податоци и насочено рекламирање.

Корисниците во ЕУ, Швајцарија и остатокот од Европската економска област (Исланд, Норвешка, Лихтенштајн) „ќе имаат избор да продолжат да ги користат двете платформи бесплатно, со персонализирани реклами или, пак, да се претплатат за да избегнуваат реклами“, се додава во соопштението на компанија.

Претплатата ќе биде 9,99 евра месечно за Инстаграм и Фејсбук профили на компјутер и 12,99 евра за мобилни апликации на смарт телефоните.

The post Ако сакаат да не им се појавуваат реклами, корисниците на Фејсбук и Инстаграм ќе треба да плаќаат претплата appeared first on Република.

Компанијата Мета размислува за план според кој корисниците на нејзините платформи Фејсбук и Инстаграм во Европската Унија ќе треба да плаќаат до 13 евра месечно за верзија без реклами или да се согласат на персонализирани реклами доколку сакаат да продолжат да ја користат бесплатната верзија.

Според овој план, Мета месечно би наплатувала околу 10 евра за сметки на Фејсбук или Инстаграм на персоналните компјутери и уште околу шест евра за секоја дополнителна поврзана сметка, објави Волстрит џурнал, повикувајќи се на упатени извори.

Како што пренесува Ројтерс, корисниците на мобилни телефони месечно би плаќале околу 13 евра за користење на споменатите платформи бидејќи Мета во цената би ги вклучила и провизиите што ги наплаќаат продавниците за апликации Епл и Гугл.

Претходно оваа година, ирската регулаторна агенција ДПЦ ја казни компанијата Мета со 390 милиони евра и заклучи дека калифорниската компанија нема право да испраќа реклами до корисниците во ЕУ врз основа на нивните онлајн-активности врз основа на постоечкиот договор. Мета потоа објави дека ќе бара согласност од корисниците во ЕУ пред да го дозволи таканареченото насочено рекламирање.

The post Корисниците на Фејсбук и Инстаграм во ЕУ може да плаќаат до 13 евра месечно appeared first on Република.

На луѓето, понекогаш, видеоповиците им се одбивни или барем несоодветни кога не сакаат соговорникот да ги види во разни и најразлични „домашни изданија“... Затоа, компанијата „Мета“ нуди низа нови алатки за веќе познатите цртани ликови вообичаено наречени „аватари“.

Од компанијата наведуваат дека корисникот сега може да учествува во видеоразговорите, така што неговото лице ќе биде заменето со негов „аватар“ и другите учесници во тој разговор ќе го гледаат така. Опцијата е веќе достапна за корисниците на Месинџер и Инстаграм.

Во дигитално-виртуелниот свет, „аватар“ е личен графички приказ, т.е. дигитално олицетворение на личноста на корисникот. Изворно, „аватара“ е именка од Санскрит-јазикот, што во хиндуизмот означувала земна инкарнација на божествата.

Корисникот сам си го создава „аватарот“ овозможувајќи обликување речиси совршена дигитална копија на својот лик и тело. Системот првично беше направен за употреба во програми за виртуелна реалност, но потоа се појави и на паметните телефони. Дополнително, нема правило дека дигиталниот лик мора да одговара на вистинскиот изглед на корисникот.

Создавањето „аватар“ денес дозволува и „додавање“ нозе на цртаниот лик, но тие нема да бидат видливи за време на видеоповикот. Од Мета велат дека постојано работат на подобрување на системот и наредниов период ќе има пореални и текстурирани анимации.

The post Веќе се достапни за Инстаграм и Месинџер: Компанијата „Мета“ креира нови „аватари“ за видеоповици appeared first on Република.

Се чини дека Инстаграм, една од најпопуларните платформи на социјалните мрежи ширум светот, утрово не работи, пишува „Дејли мејл“.

Според DownDetector, проблемите започнале рано утринава и ги погодуваат корисниците ширум светот.

Иако причината за прекинот останува нејасна, од оние кои пријавиле проблеми во ОК, 44 отсто рекле дека имаат проблем со апликацијата, 43 отсто со веб-страницата и 13 отсто со њуз фидот.

MailOnline се обиде да пристапи до профилите на десктоп верзијата на платформата и доби порака за грешка која гласеше:

„Нешто тргна наопаку. Има проблем и страницата не може да се вчита“.

Многу корисници на оваа социјална мрежа на Твитер објавија дека нивниот Инстаграм воопшто не работи.

People coming into Twitter to see if Instagram is down... pic.twitter.com/vMELQQ1c20

— Beki Smith (@SlurpSocial) June 9, 2023

The post Падна Инстаграм: Проблемите почнаа рано утрово appeared first on Република.

Компанијата „Мета“, која е сопственик на социјалните мрежи Фејсбук и Инстаграм, се соочува со важна правна одлука која може да резултира со исклучување на Фејсбук во Европа.

Шефот за приватност на Ирска, Хелен Диксон, која ја предводи Комисијата за заштита на податоците во земјата (ДПЦ), за „Политико“ изјави дека телото „најверојатно конечно ќе донесе одлука за последната правна алатка на Фејсбук за испраќање лични податоци во САД“ пред Европската Унија и САД да успеат да договорат нов договор за пренос на податоци.

Во јули, ДПЦ ја објави својата нацрт-одлука за суспендирање на овој правен инструмент за пренос на податоци. Тој нацрт сега чека одобрување од другите регулатори за приватност во Европа и треба да биде завршен до средината на мај.

Се очекува ова да го остави американскиот технолошки гигант „Мета“ без алатки кои му дозволуваат легално да пренесува лични податоци како семејни фотографии и податоци за геолокација во САД, кои се неопходни за функционирање на Фејсбук.

„Мета“ претходно изјави дека ваквата одлука може да значи крај на нејзините услуги во Европа, вклучувајќи го и Инстаграм.

Доколку Европската комисија не донесе никаква одлука за соодветност и не можеме да продолжиме да се потпираме на стандардни договорни клаузули или други алтернативни средства за пренос на податоци од Европската унија во Соединетите држави, можеби нема да можеме да понудиме голем број од нашите најважни производи и услуги во Европа, вклучувајќи ги Фејсбук и Инстаграм, соопштија од „Мета“.

Ирската одлука ќе создаде проблеми и за другите компании кои пренесуваат податоци во САД.

Мрежата на национални органи за заштита на податоците на ЕУ – Европскиот одбор за заштита на податоци има рок до 14 април да одлучи дали ќе ја потврди претходната одлука на Ирска за суспендирање на правната алатка главно што ја користат компаниите, вклучително и „Мета“, за пренос на лични податоци во САД надвор од стандардот договорна клаузула.

Главниот европски регулатор за „Мета“ и другите големи технолошки компании со седиште во Ирска ќе има уште еден месец да ја донесе конечната одлука.

Во меѓувреме, Европската комисија има за цел да го финализира сосема новиот договор за податоци со САД пред јули, откако Судот на правдата на ЕУ ги укина двата претходни договори со САД поради стравувањата од надзорот на податоците, пишува „Политико“.

Шефот на ирското клучно тело за заштита на приватноста, Хелен Диксон, вели дека немаат планови да се повлечат од спроведувањето на законот за заштита на податоците и приватноста на ЕУ, ГДПР.

Ќе продолжиме да ги спроведуваме мерките што ги наведовме, вели таа.

Диксон додава и дека е неизвесно дали под овие околности „Мета“ може да добие одложување на одлуката доколку Ирска наложи таква одлука.

Овој случај се однесува на историски конфликт ЕУ-САД, кој е во процес на решавање преку новата рамка за приватност на податоците ЕУ-САД. Го поздравуваме напредокот постигнат во обезбедувањето континуиран пренос на податоци преку границите и ја чекаме конечната одлука на регулаторот за ова прашање, истакна портпаролот на „Мета“.

The post Компанијата „Мета“ пред важна одлука: Фејсбук и Инстаграм може да згаснат во Европа appeared first on Република.

Сопственикот на Фејсбук и Инстаграм ќе лансира услуга за платена претплата која ќе им овозможи на корисниците да ги потврдат своите сметки, меѓу другите функции, објави извршниот директор Марк Цукерберг.

Meta Verified ќе биде „услуга за претплата што ви овозможува да ја потврдите вашата сметка со лична карта, да добиете сина значка, да добиете дополнителна заштита од кражба на идентитет од сметките кои тврдат дека сте вие ​​и да добиете директен пристап до поддршката за корисници,објави Цукерберг.

Цената на услугата за Meta Verified ќе чини од 11,99 долари месечно на веб или 14,99 долари месечно на iOS.

Тој додаде дека опцијата ќе биде лансирана оваа недела во Австралија и Нов Зеланд, а наскоро и во повеќе земји.

The post Фејсбук и Инстаграм воведуваат нова опција која ќе се наплаќа appeared first on Република.