The post Елтон Џон е итно хоспитализиран, колабирал во својата вила во Ница appeared first on Република.

Последниот концерт го одржа во Стокхолм

Опкружен со обожаватели од целиот свет кои сакаа да го слушнат и видат својот идол на неговиот проштален концерт, по половина век интензивна популарност, Елтон Џон во саботата вечерта ја воодушеви публиката во Стокхолм и официјално се прости.

Музичката ѕвезда ја започна својата проштална турнеја во 2018 година, а ја заврши сега, пет години подоцна во Стокхолм, отворајќи го последниот концерт со една од неговите најпопуларни песни „Bennie and the Jets“.

На последниот настап, Елтон испеа 23 песни од различни периоди од неговата долга кариера, меѓу кои „Rocket Man“, „Tiny Dancer“, „I Guess That's Why They Call It the Blues“ и „Philadelphia Freedom“. Тој изведе три биса и ги отпеа „Cold Heart“, „Your Song“ и „Goodbye Yellow Brick Road“.

„Да се настапува за вас беше мојата причина да живеам, а вие бевте апсолутно брилијантни. Конечно завршив со турнејата. Не можам да ви објаснам колку ќе ми недостигате и колку ме направи скромна вашата поддршка. Тоа ќе остане со мене засекогаш“, рече 76-годишниот музичар.

Кога започна песната „I‘m still standing“, во Теле2 арената станаа околу 30.000 гледачи.

За време на концертот, Елтон Џон и оддаде почит на Арета Френклин со тактот од песната „Border Song“.
За време на неговата петгодишна турнеја, која беше прекината поради Ковид-19, неговите настапи ги следеа 6,25 милиони луѓе.

The post Елтон Џон со емотивен концерт и официјално се прости од публиката appeared first on Република.

Британскиот пејач Елтон Џон изјави дека е можно и изводливо да се искорени СИДА-та до 2030 година, а неговата хуманитарна организација покрена нова иницијатива. Организацијата на Елтон Џон за борба против СИДА денеска лансираше тригодишен фонд, вреден 125 милиони долари, за борба против зголемената стапка на ХИВ инфекција во ранливите заедници.

Зборувајќи за Ракетниот фонд на Добро утро Америка (GMA), Џон рече:

„Имаме уште работа, но затоа го започнувам ова, навистина сакаме да ставиме крај на ситуацијата со СИДА до 2030 година, мислиме дека тоа е можно и изводливо, па сакаме само да продолжиме понатаму“.

Фондот ќе поддржи пристап до превенција и третман на ХИВ за повеќе од 1 милион луѓе, вклучително овозможување пристап до тестирање, антиретровирусна терапија и профилакса на ХИВ пред-експозиција (PrEP). Џон ја започна и „Let Your Inner Elton Out“, која ги охрабрува луѓето да ја подигнат свеста за СИДА и ХИВ на социјалните мрежи со спомнување на 76-годишната мегаѕвезда.

 

View this post on Instagram

 

A post shared by Elton John (@eltonjohn)

„Пораката е, ајде, „Пушти го твојот внатрешен Елтон надвор“, ајде да собереме пари, да го завршиме ова“, рече тој. „Ќе предизвикам некои од моите пријатели... Ќе ги предизвикам Ем Џеј Родригез, Нил Патрик Харис и ЏоЏо Сива за да видам што ќе смислат“, рече тој.

Светски познатиот пејач и текстописец зборуваше и за неговата турнеја Farewell Yellow Brick Road. Џон рече:

„Ќе биде емотивно, но не размислувам за тоа. Јас сум само концентриран на следната најдобра изведба што можам“.

Следниот месец треба да го одржи последниот концерт во Стокхолм, Шведска. Тој додаде:

„Моите синови ќе бидат на последниот концерт. Тоа ќе биде одлична можност и кој знае какво че биде чувството?“.

Тој претходно потврди дека ова дефинитивно ќе биде неговата последна турнеја, истакнувајќи дека до крајот само на оваа турнеја ќе одржи речиси 350 концерти.

The post Елтон Џон сака да ја искорени СИДА-та до 2030 година: „Ќе предизвикам некои од моите пријатели“ appeared first on Република.

Бритни Спирс и Елтон Џон снимија преработка на неговата песна „Tiny Dancer“ од 1971 година.

Како што пишува „Пејџ сикс“ тие ја снимиле траката минатата недела во студио во Беверли Хилс.

Ова беше негова идеја и Бритни се сложи. Тие ја снимија обработката на легендарниот сингл „Tiny Dancer“ и тоа навистина звучи неверојатно. Работеа со продуцентот Ендру Ват - вели извор близок до музичарите.

Тој додаде дека Бритни се радува на големото враќање на сцената. Последниот сингл наречен „Slumber Party“ таа го објави 2016 година.

„Јуниверзал мјузик“ ќе ја објави песната следниот месец.

Инаку, списанието „Ролинг стон“ ја вклучи песната на Елтон меѓу 500-те најдобри песни на сите времиња на 47. место.

The post Бритни Спирс и Елтон Џон снимија преработка на култната песна на Џон appeared first on Република.

Познатиот британски музичар Елтон Џон на Инстаграм објави дека е заразен со коронавирус и дека поради тоа ќе откаже два концерта во САД во рамките на својата проштална светска турнеја.

Заразен сум со коронавирусот и поради тоа морам да одложам два концерта во Далас во следните денови, објави музичарот кој има 74 години.

Елтон Џон објаснува дека има благи симптоми откако примил три дози вакцина против коронавирус, наведувајќи дека се надева дека ќе може да го одржи концертот закажан за в сабота во американската сојузна држава Арканзас.

Музичарот ја започна својата проштална турнеја „Farewell Yellow Brick Road“ во 2018 година, со планирани повеќе од 300 концерти во текот на три години низ целиот свет, до избувнувањето на епидемијата на коронавирус.

Во септември 2021 година, тој го издаде новиот албум „The Lockdown Sessions“ во соработка со млади уметници. Тој потоа ја одложи светската турнеја во октомври по операцијата на колкот, но се врати во јануари.

Авторот на хитовите како „I’m Still Standing“, „Your Song“ и „Crocodile Rock“, Елтон Џон продаде повеќе од 300 милиони плочи ширум светот, одржа повеќе од 3 500 концерти, а во 2019 година беше снимен и филм посветен на неговиот живот.

The post Одложени два концерти од прошталната турнеја на Елтон Џон, заразен е со ковид appeared first on Република.

Сер Елтон Џон беше принуден да одложи два концерта во Далас, Тексас, откако неодамна беше позитивен на коронавирусот.

Музичарот (74) е вакциниран со две дози и бустер, а моментално има само благи симптоми, се наведува во објавата на неговиот Инстаграм-профил.

Пандемијата предизвика одложувања на прошталната турнеја на Сер Елтон, Farewell Yellow Brick Road, во неколку наврати.

Друга британска суперѕвезда, Адел, минатата недела ги откажа настапите во Лас Вегас поради Ковид-случаи во нејзиниот тим.

The post Елтон Џон позитивен на Ковид-19, одложени концертите во САД appeared first on Република.

Британскиот музичар Елтон Џон ги одложи концертите бидејќи е позитивен на ковид-19.

Тој е целосно вакциниран и има примено и бустер вакцина.

Имал благи симтпми.

Концертите се дел од неговата турнеја „Farewell Yellow Brick Road“. Центарот на Американ Ерлајнс во Далас не даде нови датуми за концертите.

The post Елтон Џон ги одложи концертите, позитивен е на ковид appeared first on Република.