Македонски
Драги родители, подгответе се за незаборавно новогодишно доживување! Од утре, на 12 декември 2024 година, премиерата на филмскиот спектакл „Дедо Мраз: Супер херој“ ќе се одржи во Cineplexx Skopje City Mall, како и во кината Милениум, Киноверзум во Скопје, Велес и Штип.
Новогодишна работилница – Креативна магија за најмалите Во пресрет на премиерата, вашите најмили ќе имаат уникатна можност да учествуваат во работилница за изработка на новогодишни честитки со мотиви на Дедо Мраз. Децата ќе можат да ја изразат својата креативност и да создадат прекрасни честитки што ќе ја разубават празничната сезона. А што е новогодишната магија без средба со вистинскиот Дедо Мраз? Покрај работилницата, децата ќе можат да го запознаат Дедо Мраз, да си направат фотографии и да ги споделат своите желби.
Филмски спектакл – „Дедо Мраз: Супер херој“ Новогодишната атмосфера продолжува со проекцијата на анимираниот хит „Дедо Мраз: Супер херој“. Филмот раскажува неверојатна приказна за Дедо Мраз, кој по несреќен удар во главата почнува да верува дека е супер херој. Со помош на Били и Лео, неговиот елф-извршен асистент, тој ќе се соочи со злобниот бизнисмен опседнат со играчки за да го спаси Божиќ.
Оригинален наслов: SuperKlaus
Режија: Steve Majaury, Andrea Sebastiá
Улоги: Colm Feore, Harland Williams, Millie Davis, Paul Van Dyck
Жанр: Анимација
Траење: 88 минути
Земја: Шпанија, Канада и Обединетото Кралство
Категоризација: Втора категорија
Празнична магија за целото семејство Оваа новогодишна програма е совршена можност за родителите и децата да уживаат во празнична атмосфера, креативни активности и филмско задоволство. Работилницата во недела 15.12.2024 започнува во 12:00 часот во Cineplexx Skopje City Mall. Празниците се време за волшебни моменти, а оваа програма ветува спомени што ќе ги чувате цел живот.
Не пропуштајте го ова празнично доживување во Cineplexx Skopje City Mall!
Ве очекуваме со нетрпение!
За оние што ќе пропуштат во декември, филмот ќе биде достапен и во Кинотека на Македонија во јануари.
