Калин Ивановски поради повреда го предаде мечот на ИТФ турнирот во чешкиот град Пардубице

Најдобриот македонски тенисер Калин Ивановски ппоради повреда го предаде мечот од второто коло на ИТФ турнирот Пардубице во вториот сет. Ивановски се повлече од мечот при водство од 1-0 во сетови за противникот и 2:1 за него во гемови во вториот сет. Противник на Калин беше Германецот Клаус Пенинг.

Во првиот сет се водеше голема борба, а единствениот брејк го направи Пенинг во 11.гем за водство од 6:5 и потоа го доби и следниот гем на свој сервис. Во вториот сет во трите одиграни гемови немаше ниту еден брејк.

Македонскиот Дејвис куп репрезентативец во текот на летото имаше проблеми со повредата и ова за него беше втор турнир на кој настапи по заздравувањето.

Ивановски за следната недела е пријавен за настап на турнир во романскиот град Слобозиа.