Skip to main content

Војна со зборови меѓу Ромарио и Анчелоти

 Селекторот на бразилската фудбалска репрезентација, Карло Анчелоти, одговори на поранешниот напаѓач на репрезентацијата Ромарио, кој побара негова оставка по поразот од 3:2 од Јапонија во пријателски натпревар.

– Ова е слобода на говор, а во демократска земја, секој има право да зборува. Ромарио го изрази своето мислење, а тоа е право на секого: да зборува вистина, лага или глупости. Вистината е дека Ромарио зборува премногу, го цитираше Анчелоти „Глобо“.

Италијанскиот тренер, за неговата работа со бразилската репрезентација, истакна дека тимот сè уште е во процес на обнова.

– Во моментов, бразилската репрезентација е очигледно во процес на тестирање на играчи и формации. Тестираме нови играчи. Секогаш сакаме да играме добро, но е некомпатибилно истовремено да спроведуваме тестови, да го обновуваме составот и да имаме целосно подготвен тим. Остануваме многу уверени во оваа насока и ќе продолжиме да се движиме напред, додаде Анчелоти.

На 14 ноември, Ромарио го критикуваше Анчелоти на социјалните мрежи и апелираше до претседателот на Бразилската фудбалска конфедерација, Самир Чауд, барајќи оставка од тренерот. Поранешниот напаѓач тврдеше дека Италијанецот не ги оправдал очекувањата откако бил назначен во националниот тим.

На 17 ноември, бразилската репрезентација ќе игра пријателски натпревар против Сингапур

Поврзани вести