Се урна дел од облакодер во Њујорк

Делумно се урнал облакодер во њујоршкиот округ Бронкс, а првичните информации за причините за колапсот укажуваат на експлозија на гас, објави локалниот сајт fox10phoenix.com.

Инцидентот се случил утринава кратко по 8 часот по локално време, во станбениот комплекс Мичел Хаус на Александар Авенју број 205. Станува збор за 20-катна зграда во која, според противпожарната служба (FDNY), се урнало окното за палење на отпадот, што се протега по целата височина на зградата.

🚨🇺🇸BREAKING: GAS EXPLOSION TRIGGERS BUILDING COLLAPSE IN NYC

Authorities confirm a partial collapse at 205 Alexander Ave in Mott Haven in the Bronx after a reported gas explosion.

Firefighters are clearing debris and searching the building with K-9 units, drones, and… pic.twitter.com/HnMpkX4m4j

— Mario Nawfal (@MarioNawfal) October 1, 2025

На терен веднаш излегле бројни противпожарни екипи. Снимките од воздух покажуваат десетици пожарникари како ја проценуваат ситуацијата, додека зградата јасно покажува како окното се одвоило од остатокот од структурата.

Според првичните информации, се верува дека на уривањето му претходела експлозија на гас во самото окно за отпад. За среќа, противпожарната служба соопшти дека засега нема извештаи за повредени лица.

🇺🇸 États-Unis | Urgent

🔴 Une partie d’un immeuble résidentiel s’est effondrée à New York à la suite d’une explosion.

📍 Les secours sont sur place, bilan encore inconnu.#NewYork #Urgent #KronikInsights

pic.twitter.com/kiP9Lp8XId

— KRONIK Insights (@KRONIKInsights) October 1, 2025

Истрагата за точната причина за инцидентот е во тек, а властите се на терен за да го обезбедат местото и да ги утврдат сите околности на настанот.