Македонски
Обраќајќи се пред граѓаните во Чаир, Бујар Османи го нарече последниот бран синхронизирани изјави дека „нема да има предвремени избори“, „знак на паника“ од очекуваниот пораз на ВРЕДИ.
Кога излегуваат координирано со исти изјави дека нема да има парламентарни избори, тоа е знак на паника. Тие се во паника“, рече Османи.
Тој тврди дека токму стравот од резултатите ги натерал ВМРО-ДПМНЕ да испраќа „емисари“ кај ДУИ со предлог да влезе во владата по локалните избори.
Секој ден ни испраќаат емисари за ние да влеземе во влада по изборите во октомври. Директно, од ВМРО ДПМНЕ. Затоа што ги гледаат резултатите. Резултатите се три спрема еден“ рече Османи.
Тој јасно им порача дека такво сценарио нема да помине. Во стил на изборен манифест, тој го отфрли моделот на „политичко мешетарење“, при што, како што рече, партии и претставници се менуваат по лична волја на премиерот, без изборен легитимитет.
Ние не сме народ што можат да го потценуваат, излези ти, влези ти. Нема поголемо понижување од премиерот да ти ги одредува претставниците“, вели Османи.
Тој тоа го нарече обид за институционално понижување на цела заедница, каде според него, малцинствата се третираат како да немаат суверенитет.
Не можете повеќе да не подредувате. Може да седнете со нас, со победникот. Не со нас како такви, туку со победникот. Со оној што има еден глас повеќе од албанскиот народ“, изјави Османи, инсистирајќи дека секоја легитимна влада мора да се формира во соработка со политичкиот претставник кој ќе добие доверба од мнозинството албански гласачи.
Централната порака на говорот беше јасна:
Ние не прифаќаме да не земате и да не давате, тоа може со тие други, кои тивко прифатиле статус на вазали“ рече Османи
Тој го претстави својот политички став како отпор против „режимот на подредување“ и побара нов модел на рамноправна коалиција, каде „се договара за целосна еднаквост, за Охридскиот договор, за соживотот и патот кон ЕУ.“
Вие не земате влада ниту избирате кого било да не води. Народот одлучува кој влегува и кој излегува“, порача Османи.
