Македонски
Македонскиот Културно-информативен центар во Софија, по повод одбележувањето на дваесетгодишнината од неговото основање денес ќе одржи трибина на тема, „Стратешки цели и развој на културната дипломатија – улогата на културно-информативните центри“.
Панелисти на трибината се директорите на македонските Културно-информативни центри во Загреб, Белград, Истанбул и Софија, г-ѓа Мими Ѓоргоска Илиевска, г-н Васко Шутаров, г-н Диме Ратајкоски и г-н Зоран Пејковски.
Оваа трибина има за цел да иницира конструктивна дискусија за актуелната и идната улога на македонските културно-информативни центри во странство, со посебен акцент на нивниот придонес во унапредувањето на културната дипломатија, преку размена на искуства, предизвици и визии за развој.
Во рамките на трибината директорот на македонскиот КИЦ во Софија, г-н Зоран Пејковски на учесниците на трибината ќе им додели признанија и благодарници по повод одбележувањето на дваесетгодишнината од основањето на македонскиот КИЦ во Софија.
Со оваа трибина ќе се даде значаен придонес за достоинствено одбележување на овој важен јубилеј и за заедничко обликување на идните насоки на македонската културна дипломатија.
