Македонски
Украинскиот претседател Володимир Зеленски ја обвини Русија дека продолжува со нападите во текот на ноќта и покрај едностраното прогласување на прекин на огнот за велигденските празници.
„Сè на сè, на Велигденското утро, можеме да кажеме дека руската армија се обидува да создаде општ впечаток за прекин на огнот, додека во некои области продолжува да прави изолирани обиди да напредува на теренот и да нанесува загуби на Украина“, напиша Зеленски на X, повикувајќи се на информациите од врховниот командант Олександар Сирски.
Зеленски наведува дека се регистрирани 387 случаи на гранатирање и 19 напади од руските сили, а руските сили користеле беспилотни летала 290 пати.
„Нашите борци одговараат на непријателот на заслужен начин, врз основа на секоја борбена ситуација. Украина ќе продолжи да дејствува асиметрично“, додаде Зеленски во објавата на социјалната мрежа.
Рускиот претседател Владимир Путин им нареди на своите сили да ги прекинат сите непријателства од сабота во 18 часот по Московско време до крајот на неделата.
Годинава католичките и православните верници го слават Велигден на ист ден, што не е секогаш случај бидејќи Католичката црква го користи Грегоријанскиот календар, додека Православната Црква го користи јулијанскиот календар.
Зеленски и другите украински официјални лица беа скептични за краткорочниот прекин на огнот што Путин го објави во последен момент, во саботата. Потоа на сите руски борци на украинските фронтови им посака среќен Велигден.
Во неделата Зеленски го повтори својот предлог за продолжување на прекинот на огнот за 30 дена со цел „да му се даде шанса на мирот“.
Ќе дејствуваме во согласност со ситуацијата на теренот“, рече тој.
Руското Министерство за одбрана во саботата соопшти дека сите руски сили ќе го почитуваат прекинот на огнот, под услов да го почитува и украинската страна.
