Македонски
Обвинетиот Влатко Кешишев на денешното рочиште детално опиша како по убиството на Панче Жежовски стигнале во Скопје и го паркирале „цитроенот“ на паркингот кај Кванташкиот пазар. За тоа дали пред да биде грабната Вања биле на обиколка на нејзината зграда, Кешишев рече:
Не сум бил, освен привиот пат кога се обидоа и вториот пат кога беше грабнувањето, одговори Кешишев.
Прашање за Кешишев имаше и бранителот на Александар Ѓорчевски, Владимир Туфегџиќ.
В.Т.: Дали во ваше пристуство имало разговори за повеќе лица пред да се грабне личноста од Скопје?
В.К.: Освен за личноста што требаше да биде во дупката, за други не се разговараше.
В.Т.: Каде и кога слушнавте за грабнување на друга личност?
В.К.: После првиот неуспешен обид. После се случи тоа.
В.Т.: Колку средби имало пред да се донесе одлука за грабнување на личноста од зградата?
В.К.: Неколку пати. Кога и да дојдеше Велибор се почнуваше оваа тема. Не сум слушнал дека некој во разговорите го споменува Александар. Не знам од кого требаше да се бараат парите за грабнувањето. Сликата од девојчето ја видов по грабнувањето, дотогаш ја немав видено. Не сум слушнал никогаш дека Палчо разговара на телефон со таткото на девојчето.
Не носеле телефони
Телефоните ни беа во штабот, со себе носевме мотороли, откри Кешишев.
Дали сте слушале дека девојчето е по грешка грабнато?, праша Туфекџик.
Не, бидејќи бев подалеку, ниту пак некој ги спомна мајката и таткото на детето, одговори Кешишев.
