Македонски
Со долг аплауз од гледдалиштетот на преполната сала во киното „Фросина“ во Младинскиот културен центар (МКЦ) синоќа беше награден краткиот филм „За Ева“ во режија на Бојан Васиев, а по сценарио на Бојан Василев и Андреј Насков.
Краткиот филм „За Ева“ е тинејџерска драма и во него се зборува за 17-годишна девојка на која и е многу тешко по една непомислена одлука и бара начин како тоа да го реши.
Поради големиот интерес, синоќа во МКЦ имаше две проекции на филмот, од 20 и од 21 часот.
По проекцијата, режисерот Василев се заблагодари на целиот тим кој учествувал во реализацијата на филмот и на поддршката која ја добиле.
Драго ми е што имавме можност да ви го прикажеме филмот и привилигарни сме што имаме поддршка од нашите колеги, филмаџии. Снимајќи го овој филм, сфатив колку е тешка работата на татко ми (Роберт Насков, продуцент, н.з.), но, сепак, ја видов убавината на оваа работа, изјави Андреј Насков, сценарист и продуцент на филмот.
Улогите во филмот ги толкуваат Миа Жиро, Изабела Новотни, Талиа Харалампиев, како и Игор Стојчевски и Стефан Ристевски. Филмот го снимаше Сашко Василев, шминка Александар Билјановски-Дадар. Остатокот од екипата го сочинуваа Калин Крајчевски, Петар Пројкоски, Стефанија Василева и Матеа Мисајловска.
Снимањето се одвиваше на локации во Скопје и околината. Продуценти на „За Ева“ се Андреј Насков и Бојан Василев преку „Василеви продукција“.
Филмот во тек на развојот и продукцијата е поддржан од EDU CUTS мрежата преку проектот „Култура и креативност за Западен Балкан“ финансиран од Европската Унија и поддржан од British Council, за цел да го поттикне дијалогот во Западен Балкан преку зајакнување на културните и креативните сектори за зголемено социо-економско влијание.
