Милијарда долари се украдени од УСАИД: Трамп обвинува дека парите од Агенцијата оделе за медиуми кои ширеле лажни вести

Претседателот на САД, Доналд Трамп, денеска изјави дека милијарди долари биле украдени од Американската агенција за меѓународен развој (УСАИД) и наводно биле искористени за финансирање на медиуми кои позитивно известувале за неговите политички противници, објави УС њуз.

Изгледа дека милијарди долари биле украдени од УСАИД и од други агенции, а многу од тие средства биле насочени кон медиуми кои шират лажни вести, како награда за пишување позитивни приказни за демократите, напиша Трамп на социјалните мрежи.