Македонски
Домашната алтернативна сцена на 6 ноември повторно ќе добие свој простор за промоција и музичко дружење. Во Младинскиот културен центар во Скопје ќе се одржи осмото издание на „Андерфест“, фестивал посветен на независната музика и домашните изведувачи.
Оваа година публиката ќе има можност да ги слушне Мамут, Корка, Eurokrem, Replays, Princess Donatsu, Крул, Гној и Фанк Шуи. Станува збор за осум бенда со различни музички изрази, кои преку авторска музика и автентичен пристап придонесуваат за разновидноста на македонската алтернативна сцена.
„Андерфест“ и оваа година ја продолжува својата мисија да им овозможи на домашните музичари настап пред поширока публика, да ги поддржи новите музички проекти и да ја поттикне независната продукција.
Осмото издание на фестивалот ќе се одржи на 6 ноември 2026 година во МКЦ – Скопје, a картите може да се набават преку www.tix.mk
