Македонски
Британската полиција соопшти дека уапсила 325 лица на протестот што се одржа во саботата во Лондон, во знак на поддршка на организацијата „Палестинска акција“, која британската влада ја забрани.
„Вкупно 325 лица беа уапсени вчера. Огромното мнозинство, односно 320 лица, беа таму за да изразат поддршка за организација забранета согласно Законот за тероризам“, се наведува во соопштението на Метрополитенската полиција, објавено денеска на социјалната мрежа Икс.
Hundreds of protesters gathered outside the US Embassy in London to oppose the UK government’s ban on Palestine Action and show support for the group. Reports confirmed 139 arrests, with the majority made on suspicion of expressing support for a proscribed organisation. https://t.co/7VN7sMGmRe
— Al Jazeera English (@AJEnglish) October 31, 2026
Демонстрантите организираа протест пред американската амбасада, во пресрет на дводневното сослушување пред британскиот Врховен суд, кое започнува во среда, а се однесува на одлуката на британската влада од јули 2025 година за забрана на организацијата „Палестинска акција“, согласно антитерористичкиот закон.
Помал број демонстранти се собраа и пред американскиот конзулат во шкотската престолнина Единбург, но таму немало апсења, соопшти шкотската полиција.
САД, исто така, ја означија „Палестинска акција“ како терористичка организација во август.
Организацијата „Палестинска акција“ беше забранета согласно британскиот Закон за тероризам во 2025 година, откако нејзини активисти провалија во воздухопловната база на Кралските воздухопловни сили (РАФ) Брајз Нортон и оштетија два воени авиона.
325 people arrested at Defend Our Juries demonstration outside the US embassy, 320 of them for expressing support for Palestine Action. The protest came ahead of the Supreme Court appeal against Palestine Action’s proscription, to be heard next week. https://t.co/wNlp8K14tE
— Shoaib M Khan (@ShoaibMKhan) November 1, 2026
