Македонски
Специјалното обвинителство во Хаг бара на обвинетиот Хашим Тачи да не му се пресметува времето поминато во притвор во предметот за воени злосторства во делото за попречување на правдата.
Обвинителството во Хаг наведува дека на Тачи може да му биде пресметан периодот поминат во притвор само во предметот за кој е осуден на 25 години затвор.
Според Правило 163(6), сите обвинети имаат право да им се пресмета времето поминато во притвор пред судењето. Сепак, Тачи моментално е притворен врз основа на две посебни налози за апсење, кои се во сила: од ноември 2020 година во случајот за воени злосторства и две од ноември 2024 година во оваа постапка. Ваквите ситуации не се невообичаени пред други трибунали, во слични околности, каде што обвинетиот е конкретно обвинет за попречување на главната постапка против него, се наведува во барањето на Специјалното обвинителство.
Обвинителството побара казна од шест години затвор за поранешниот косовски претседател поради попречување на правдата. Тој е осуден на 25 години затвор за воени злосторства.
Судењето за попречување на правдата почна кон крајот на февруари, а обвинети се и поранешниот командант на распуштената Ослободителна војска на Косово (ОВК), Исни Килај, поранешниот шеф на Косовската разузнавачка агенција (АКИ), Башким Смакај, поранешниот борец на ОВК, Фадил Фазлиу и поранешниот министер за правда на Косово, Хајредин Кучи. Тие се обиделе да влијаат врз сведочењето на сведоците во случајот во Хашим Тачи и тројца други поранешни команданти на ОВК се осудени за воени злосторства и злосторства против човештвото. Обвинителството бара три години затвор за Смакај, Килај и Фазлију, а за Кучи деветмесечна затворска казна.(МИА)
