Бегалците си се враќаат дома: По три години бегство, бизнисменот Чифлигароски дојде во Македонија

По три години во бегство, во државата се врати и бизнисменот Стојан Чифлигароски кој е осомничен во предметот „Синџир“. Тој во државата влегол пред два дена на граничниот премин „Свети Наум“.

На 22.09.2026 година, на влез на Граничниот премин „Свети Наум“, полициски службеници го лишиле од слобода С.Ч.(44) од Охрид, со живеалиште во Битола. Лицето се барало по централна потерница распишана по наредба на Основното јавно обвинителство за гонење на организиран криминал и корупција. С.Ч. е лице под истрага и е опфатено со кривична постапка за дела „злосторничко здружување“ по член 394, „даночно затајување“ член 279 и „перење пари и други приноси од казниво дело“ член 273 од Кривичниот законик, информираат од МВР.

Чифлигароски е недостапен за органите на прогонот од почеток на полициската акција „Синџир“, која беше спроведена на 30 октомври 2023 година.