Приведен жител на Чашка, кај него биле пронајдени 1004 семки, зелена растителна материја и една дигитална вага

На 10.01.2025 во 09.40 часот полициски службеници од Полициското одделение Чашка, го лишиле од слобода И.С.(49) од село Мелница, општина Чашка. По добиена судска наредба, полициски службеници  од Одделението за криминалистички работи при СВР Велес, извршиле претрес во неговиот дом, при што биле пронајдени и одземени 1004 семки, зелена растителна материја и една дигитална вага.  И.С. бил приведен во полициска станица, известен бил јавен обвинител и по документирање на настанот против него ќе биде поднесена соодветна пријава.