Во детската градинка во Дебар одржана работилница на тема „Полицаецот е мојот пријател“

Полициски службеници од дебарското одделение за внатрешни работи во детската градинка „Брешија“ одржаа работилница на тема „Полицаецот е мојот пријател“.  

Низ проактивна комуникација и типизиран пристап, на најмладите им беа објаснети улогата и задачите на полицаецот, што е безбедност, што е сообраќај и зошто се значајни, што е семафор, каде треба да се поминува коловозот, зошто треба да се почитуваат сообраќајните знаци и прописи“, информира Стефан Димоски, портпарол на Секторот за внатрешни работи-Охрид. 

Според него  целта на работилницата е навремено едуцирање на најмладата популација за теми од областа на сообраќајната безбедност и развивање на нивната сообраќајна култура.