Уште еден руски генерал одлета во воздух

Генерал-потполковник на руската армија Фанил Сарваров беше убиен во експлозија на бомба во Москва.Според истражителите, експлозивната направа поставена под автомобилот била детонирана утрото на 22 декември на улицата Јасењеваја.

Внатрешноста на автомобилот била целосно уништена во експлозијата, објавија руските истражители.Според руските медиуми, украинските разузнавачки служби биле вклучени во убиството. Постапката е покрената.

Кој e генералот Фанил Сарваров

Сарваров е роден на 11 март 1969 година во Гремјачинск. Дипломирал на Вишата школа за тенковска команда во Казан во 1990 година, на Воената академија на оклопни сили во 1999 година и на Воената академија на Генералштабот во 2008 година.Учествувал во борбени операции во осетиско-ингушкиот конфликт и во антитерористичката операција во Чеченија. Служел и во Сирија. Во 2016 година станал началник на Дирекцијата за оперативна обука на Генералштабот.