Пјастри дојде до пол позицијата за Формула 1 трката во Катар

Facebook / Oscar Piastri

Возачот на Мекларен, Оскар Пјастри, ќе стартува од пол позицијата на денешната трка за Големата награда на Катар, која е претпоследна трка во сезоната. Пјастри имаше најдобро време во квалификациите пред клупскиот колега Ландо Норис, кој е водечки во генералниот пласман. Ова навестува интересна завршница на сезоната.

За да биде уште поинтересно, трето време во квалификациите оствари возачот на Ред Бул, Макс Верстапен, актуелен шампион кој сè уште има теоретски шанси да ја одбрани титулата.

Ландо Норис може да ја освои шампионската титула доколку победи на трката, но постојат и други комбинации, кои дополнително даваат привлечност на трката.

Пјастри победи и на спринт трката во Катар со што освои нови поени со кои се приближи до Норис. Стартот на трката е во 17 часот.

Генерален пласман: Норис 396 поени, Пјастри 374, Верстапен 371, …