Македонски
Употребата на замрзнатите руски средства во корист на Украина може да доведе до зголемување на долгорочните обврски на ЕУ и одливање на инвестии од Унијата, предупредува депозитарот „Евроклеар“, кој испратил писмо до шефицата на Европската комисија, Урсула фон дер Лајен и претседателот на Европскиот совет Антонио Коста, пишува „Фајненшл Тајмс“ (ФТ).
Според проценката на компанијата, таков механизам ќе биде сфатен надвор од ЕУ како фактичка конфискација и ќе ги оддалечи инвеститорите.
Шефицата на меѓународниот депозитар, Валери Урбен, вели дека таквата иницијатива им штети на инвестициите во Европа, „бидејќи инвеститорите, особено суверените фондови за богатство и централните банки, ќе ја сметаат за еквивалент на конфискација на резервите на централните банки и поткопување на владеењето на правото“.
