Македонски
По повод одбележувањето на 22 Ноември, Денот на албанската азбука, под организација на Вицепремиерот за добро владеење, Арбен Фетаи, во Битола се одржа централната државна манифестација во Музејот на Азбуката, соопшти Кабинетот на вицепремиерот.
на анифестацијата присуствуваше и премиерот на Република Косово, Албин Курти, соопштија од Кабинетот, како посебен гостин на овој ден на сеќавање.
„Во своето обраќање, вицепремиерот Фетаи нагласи дека Битола е една од најважните потпори во албанската историја, каде што во 1908 година беше донесена одлуката за унифицирање на азбуката на албанскиот јазик, акт што му даде на јазикот модерна структура и го означи цивилизацискиот правец на албанското општество. Тој подвлече дека тоа не беше само техничка одлука, туку фундаментален идентитетски и културен акт што ги обедини Албанците околу заедничката визија за образование, знаење и слобода на мислата,“ се вели во соопштението.
Фетаи, се додава, истакна дека албанскиот јазик бил и останува компас за ориентација на Албанците во секоја историска епоха и дека должност на институциите е да го чуваат, развиваат и пренесуваат ова богатство на идните генерации.
„Уметничката програма вклучи изведби од традиционалниот албански музички и танцов репертоар, со што се донесе и културната димензија на овој важен ден. Вицепремиерот Фетаи повторно го потврди посветеноста за унапредување на политиките што обезбедуваат промоција, стандардизација и функционалност на албанскиот јазик во сите сфери на јавниот живот, во духот на вредностите на Конгресот во Битола,“ се наведува во соопштението.
